آآآآآآآآآآآآآآآآآآآآه
نفسي تطلع بجد
بس متزعلش حد
ولا توجع الاهل ولا الصحاب
نفسي اخرج من جروحي
نفسي اطلع للفضا
نفسي اتنفس هوا
نفسي اخرج مني بقي
ومن عتمة الضباب
فتحت شباكي
يمكن يطل بيا علي شجرة امل
متجمع تحتها الصحاب
اللي بيشكي واللي بيحكي
والمشروخ....وحد من ظلم الحبيب مجروح
بس لقيتها سما مليانة ضلمة
ولا يمكن انا اللي عيني مبقتش
تشوفها نور...وقلبي محاوطه سور
مكتفه!!!
ماهو اتوجع من كل مرة بيشتكي
ولسه جواه الوجع
بس اللي مصبره قولة يارب
كل يوم الفجر الاقي عيني رايحة
ع السما...بتطلب من رب العالمين الدوا
يارب نفسي ف فرح...نسمة سعادة تغرقني
او حتي حبة امل بيسرقني م اللي فيا
والاجابة عندك انت
والهداية مش بعيدة
ثقتي فيك هي الأكيدة
مبقتش عارفة يارب مالي
ولا امتي هصحي وافوق لحالي
بس لسه عندي امل
بصيرتي يطولها نور
واحضن ف يوم حبايبي
من بعد طول غياب
ونفرح بحلمنا مع لمة الصحاب
وانسي ايامها كتيييييييييير
قضيتها ف العذاب
ولسه بقول يارب
