الأربعاء، 28 سبتمبر 2011

وجع بعد وجع


بغض النظر عن كل حاجة  بمر بيها 

اعز اصحاب علي قلبنا...اتنين تؤام 

اخوهم توفي النهارده...من الصدمة معرفتش انطق

صدمتي كمان انهم امبارح كانوا موجودين مع باقي اصحابي

وضحك وتهييس وتهريج...انا اللي معرفتش اروح اقعد معاهم شوية

بس كنت عارفة ان كلهم بخير 

اخوهم كان سليم...مكنش تعبان....ف العشرينات

قلبي واجعني مليون مرة اكتر ماهو موجوع بيليون مرة قبل كده 

قلبي واجعني  علييييييييييييييييييييييييييييييييييييييييييييهم

في ناس ف حياتي مبعرفش انام وانا حاسة انهم موجوعين 



او حتي ان ضحكتهم غايبة عنهم 

ف مابالك انا عارفة وواثقة ومتاكدة....ان دموعهم مغرقاهم 

الاتنين دول بالذات بجد ....بعزهم اوووووووووووووووووووووي 

غاليييييييييييييييييين عندي جداااااااااااااااااااااااااااا

ياما ياما ياما ....لما كنت مضايقة ....كانوا بيتشقلبوا عشان افك 

وارجع لطبيعتي ....ويبدلوا مودي الوحش ....بمودي اللطيف 


كتييييييييييييير اووووووووووووي رسموا ضحكة علي وشي 

انا مخنوووووووووووووووقة اووووووووووووووي انهم موجوعين 

انا مش معترضة علي امر ربنا .......ربنا استرد امانته 

وكلنا لينا ميعاد ....بس انا زعلانة ع الوجع اللي جواهم ....

واللي انا مهما حسيت بوجع مش هيجيي ....ولا واحد من مليون من وجعهم 

مش عارفة اقول حاجة اكتر من ....ربنا يصبركم اوووووووووي 

ويغفرله ...ويرحمه ....ويكون ف مكان احسن من الدنيا 


يارب ....عشان خاطر حبيبك النبي ...انا تعبت اوجاع :( 

مش عايزة ايماني يخلص .....عشان عارفة انه لو خلص 

هخسر دنيتي وآخرتي :( 

يارب 

الثلاثاء، 27 سبتمبر 2011

الظروف :(



همست له دامعة
 ,,
اشتاقكَ كثيرا و لكني استوعب الظروف جيدا ,,
و لكن ,,

جلَّ ما يؤلمني هو بعدك عني عندما أكون بأمس الحاجة لأرمي

 رأسي المثقل بالوجع على كتفك و ذرف دمعة ألم ,,

فقال لي
,,
لطالما عشقت اشتياقكِ لي ,,
و لكن ,,

خنجر الظروف التي تبعدني عنك طعن فؤادي العاشق فسال دمي

 دموع ,,

الاثنين، 26 سبتمبر 2011

كلام واتبعتر 2




اخويا النهارده بعتلي الاغنية دي....انا بجد بعشقها اووووووووووووي....بقالي كتييييييير 

اووووووووووووووووووووووووووووووووي مسمعتهاش اصلا ....بصراحة هدية حلوة من اخويا ;) 

من منطلق الحب والحدوتة الازلية ...من اول قصة حب ولحد القصص الجاهلية 



واللعبة هي هي...اللعبة هي هي 

من يوم ما آدم وحوا كانوا ف الجنة وحديهم واللعبة دايرة ما بين اتنين بيحبوا بعضيهم 



بمنتهي الانانية ....بمنتـــــــــــــــــــــــــــــــــــــــــــــــــــــهي الأنــــــــــــــانيـــــــــــــــة


ليه نتعاند ونشقي ما نتلاقي ف طريق...مخلوقة قلوبنا عاشقة من قبل اي شئ

مادام جوانا فينا.........مشاعرنا ودفينة ......ومادام جوانا فينا...مشاعرنا ودفينة

ياريت ناخد وندي مرة بحق وحقــــــــــــــــــــــــــــــــــــــيق 


الحب ايدين تطبطب وحنية وحنين وحضن ف يوم ما نتعب ودوا للمجروحين 

خليك دايما ف طوعه لتضيع زي اللي ضاعوا...خليك دايما ف طوعه 

لتضيع زي اللي ضاعوا....خرجوا م الجنة قبلك...هتخرج انت منييييييييين 

*******************************************

حاجات قريتها النهارده وعلمت فيا اووووووووووووووووووي : 


نملگ فنّ . .
الموآسآة لغيرننا
ۆ لا نجيد تجسيدهآ لإنفسنآ !


*******************************************
دي بقي جبارة جبارة جبارة  : 


 ما زلت أحيا كل ما عشناه يوما 
رغم أن العمر.. أيام قصار 
والحب في الأعماق بركان يدمرنا 
وبين يديك ما أحلى الدمار 
والشوق رغم البعد أحلام تطاردنا 
ما زلنا نكابر كالصغار 
فالهجر في عينيك هجر مكابر 
هل تهرب الشطآن من عشق البحار؟

لـــــــــــــــــــــــــــــــ
فاروق جويدة 

********************************

ابشع حاجة....لما تكون في شخصية محلية حياتك 
اووووووووووووووووووووووووووووووووي
وبكل بساطة انت تعرف انك ولا حاجة ف حياة 
الشخصية دي.....

يــــــــــــــــــــــــــــاااااااااااااااااااااااااه 
عمري ف حياتي ما تخيلت اني وحشة اوي كده 

الكلام اكتر من انه يكون صدمني ....ف هو وجعني 
اووووووووووووووووووووووووووووووووي 

وجعني لدرجة ان العياط مبقتش قادرة عليه :( 
********************************

سؤال للدنيا : 

هو انا استحق كل ده ...؟؟؟؟؟!!!!!

ليه مصممة بعد ما خلاص احس بحاجة حلوة جوايا 
احلم...افرح....اتبسط.....احس ....انبهر .....
اعيــــــــــــــــــــش....ليه مصممة تموتيني ف كل مرة

بجد ليــــــــــــــــــــــــــــه؟؟؟

********************************

فتحت موبايلي النهارده قريت كل الرساااااااايل 
ودخلت ع الهيستوري بتاع المازنجر...قريته كله 
حتي الصور مسبتش حاجة 
عارفة اني بمرمط نفسي 
مش عارفة هتعدي امتي .....ولا ازاي 

الدعاء الوحيد اللي مستمرة عليه من الصبح لدلوقتي : 

اللهم احييني مادامت الحياة خيرا لي وتوفني 
مادامت الوفاة خيرا لي 

********************************
I don't want to believe anyone again

I can't stand anymore 

*******************************

بجد بجد انا اتوجعت اووووووووووووووووي

*******************************
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه 

كان نفسي الآآآه دي تبقي بجد

نفسي اغيب عن الوعي لفترة ...لاء علي طول :( 

*******************************
نفسي اترمي ف حضن حد ...ونكون لوحدينا تماما
واتهلك عياط...ويطبطب عليا لحد ما انام :(
*************************************

 جوايا شوية ...كانوا عايشين 
واتوجعت
وللاسف!!!!
ماتوا 

زي ما توقعت 

الجمعة، 23 سبتمبر 2011

آآآآآآآآآآآآآآآآه


النهارده اخر امل ليا ف الموضوع ده 


لو راح هفقد الامل ف كل حاجة ف حياتي

يارب....مش عايزة ايماني يخلص :( 

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

يارب  عارفة اني مستحقش ادعيك

بس ثقتي فيك مخلياني واقفة بدعي

يارب افرجها .....عشان خاطر حبيبك 

النبي....تفرجها.....بجد انا خلاص تعبت من كتر الوجع :( 

نفسي بس يارب احس مجرد احساس  ان في امل 

المشكلة دي تتحل

يارب يارب يارب 



يارب


انا مبعرفش انام وحد زعلان مني .....ده لما يكون حد عادي 

فما بالك لما يكون الحد ده غير عادي :( 

مش عارفة انا ازاي وصلت لمرحلة اني اوجع حد :( 

حاسة اني نفسي اولع ف نفسي بمعني الكلمة...نفسي اموت بس محسش الاحساس ده 

*****************************

اسفة لكل حاجة حصلت النهارده ف الكورس 

بس بجد  مكنتش طايقة حد يقولي مالك

اضايقت اني عيطت واتخنقت اوووووي 

كده قصاد الناس.....بس ف اخر اليوم بجد

غيرتوا شوية من مودي 

شكرا بجد 

***************************

عارفة اني غلطت اوووووووووووووووووي

بس مين فينا مبيغلطش :( 

***************************


يارب 

*************************

الأربعاء، 14 سبتمبر 2011

ومخبي ايه يا عمر؟؟؟؟


جدتي....فات علي وفاتك  سنة و5 شهور...ربنا يرحمك ويغفرلك يارب 

وان شاء الله ...ان شاء الله تبقي ف الجنة...ف الفردوس الأعلي باذن الله 

عارفة فرح مين يوم السبت......نورا محمد جمال....

يااااااما دعيتي تشوفينا كلنا بفستان الفرح....ياما دعيتلنا بحاجات كتير

يوم بعد يوم ....شوية شوية ...في حاجات منها بتتحقق

نورا هتلبس فستان الفرح يوم السبت...وهتقف مع عريسها ف الزفة 

وآخر الفرح...هتروح مع عريسها......

كان نفسي تكوني معانا اووووووووووووووووووووووووووووووي

ساعات بسأل نفسي...اشمعني تحضري فرح عزمي..وعفاف...واحمد وغادة

وانا لاء :( 

بس تعرفي انا عارفة انك ف عالم ...احلي وانقي واصفي كتييييييييييييييييير من قرف الدنيا 

مينفعش اقارن اصلا

انتي كده مرتاحة اكتر :) 

لما قعدت كده وفكرت...نورا ادي ف السن...تفرق عني كام شهر بس

ياااااااااااااه هتتجوز يوم السبت ....حسيت اني بتخض 

وواحدة من اعز اصدقائنا ف ثانوي اتجوزت ف شهر 5 اللي فات 

وحاليا الحمدلله ربنا كرمها...وحامل...ربنا ييسرلها ويتمملها علي خير 

ويقومها بالسلامة يارب 

ياااااااااااااااااااه...البنات كبرت اوي كده ....كبرت بسرعة

لحد دلوقتي بحاول استوعب اننا مبقيناش البناويت اللي بضفاير

اللي اقصي حاجة تهمنا...نلعب نلعب نلعب طول اليوم ...وساعة النوم

نجري نحضن ف الدبدوب وننام مطمنين ....ودبدوبنا ف حضننا

كبرنا بقينا البنات اللي بتحلم وبتجري وتخطط وتحقق ....

و"تحب" و "تتجوز" و "وتجيب اطفال" و "تربي" و "تكبر"

معقــــــــــــــــــــــــــــــــــــــــــــــــــــــــول 

طب امتي وازاي.....كل ده حصل ...

واللي حصل عمره عمره عمره ما هينفع يرجع تاني

جه علي بالي لحظاتنا زمااااااااااااان لما كنا كلنا بنتجمع ف بيت العائلة 

انا وغادة ونورا ومي ورباب...وكلنااااااااااااااااااااا

والبناويت كلها تتجمع ف اوضة ونفضل نحكي لحد ما يجوا الكبار يمشوا

كل واحدة تقولي تعالي باتي معايا...واقولهم لاء انتوا باتوا

وواحدة او اتنين يختاروا يبااااتوا

ونسهر الليل كله صاحيين...نشرب ف شاي.....ونحكي ف حكاوي

ومغامراااااااااااااااااااااات

ابتدي عدد البنات يقل ويقل ويقل ......عفاف اتجوزت ...وغادة اتجوزت 

وبظروف الجواز والايام...مبقيناش نتجمع اوي زي زمااااااااااااااااااااااان

وادي نورا هتتجوز......وهيفضل انا ورباب ومي ......والبناويت الصغننيين 

اللي لسه بدري اوووووووووووووووي عليهم ف انهم يقفوا ف طابور البناويت العرايس 


ربنا يسعدك يانورا ...ويتمملك علي خير...ويفرحك ويهنيكي...ويجعلكم قرة أعين لبعض

ويجعلكم ازواج الدنيا والآخرة لبعض يارب ان شاء الله 

اللهم بارك لهما وبارك عليهما واجمع بينهما في خير

اللهم بارك لهما وبارك عليهما واجمع بينهما في خير

اللهم بارك لهما وبارك عليهما واجمع بينهما في خير


ومخبي آآآآآآآآآآآآآآآآآآآآآآآآيـــــــــــه تاني يا عمر؟؟؟؟

السبت، 10 سبتمبر 2011

كلام و ورد


علي اد ما هفرحلك اووووووووووووووي 

علي اد ما هحزن عليكي جداااااااااااااااااااااا

مش عارفة ليه كل حاجة اتعقدت كده 

وكل حاجة لما اتعقدت اتعقدت مرة واحدة

مش قادرة احس بفرحة  للقرار بتاعي 

من كتر ما حاجات كتييييييير اوي حواليا 

وناس كتير اوووووي حواليا موجوعين 

*************************

حسبي الله ونعم الوكيل ف كل حد زعل بابا النهارده 

************************

ان شاء الله كله هيبقي زي الفل 

**********************

كلها حاجات بسيطة واد ايه تفرق معايا 

*********************
مش عارفة ليه فجاة ...جه ف دماغي 

نفسي اوووووي حد يجيبلي ورد الايام دي 

اللي هو الفكرة دي عمرها ما خطرت علي 

بالي....مع اني بعشق الورد جداااااااااااااااا

بس الفكرة دي في دماغي الايام دي جدا 

***********************

فكرة اصلا ان حد يهادي حد بالورد 

دي حاجة قمة ف الروعة والجمال 

***********************
احلي ورد بحبه بترتيب الافضلية طبعا 

الاحمر
الابيض
الروز
البنفسج 
الاصفر
***********************
شراء وتغليف الورد ده لوحده فن 

بحب اووووووووووووي اللي 

بيفهموا فيه...خاصة تنسيق لون غلاف 

البوكيه مع لون الورد

**********************

الثلاثاء، 6 سبتمبر 2011

فراغات صادمة



زمان وانا صغير كنت بحلم ابقي كبير 

تعب القلب واتحير من الدنيا

وم المشاوير...ولما كبرت قلت 

ياريت ما كنت حلمت ولا اتمنيت 

ياريــــــــــــــــــــــــــــــــــــت :( 

**************************

فرحت اوي لما قالتلي  : 



ربنا يجازيكى كل خير على الادعية الى قولتيهالى 

ف وقت شدتي 



 الحمدلله

يارب ابقي كده دايما ف تظركم واعملها لوجه الله 

ولأي حد عاوز الادعية دي هي : 
( اللهم اكفني بحلالك عن حرامك واغنني بفضلك عمن سواك ) 
(اللهم ارني الحق حقا وارزقني اتباعه وارني الباطل باطلا وارزقني اجتنابه)
(لا حول ولا قوة الا بالله ) 
(حسبي الله لا اله الا هو عليه توكلت وهو رب العرش العظيم) 


******************************

ليه دايما بعرف انصح الناس ...وابقي فاشلة اوي 

كده مع نفسي .؟؟؟؟

ليييييييييييييييييييه؟؟؟

*****************************

يارب انا تعبانة اووووووووووووووووي 

يارب نفسي ارتاح ....عارفة انك الوحيد 

اللي بايدك تريحني...يارب وثقت فيك 

تريحني وتفرجها من عندك يارب 

*************************
ازاي ابقي تعبانة اوووووووووووووي كده 

واعرف امثل اني كويسة اووووووووووي كده 

يااااااااااااااااااااااااااااااااااااااااااارب 

***************************
كل حاجة قولتيها النهارده وجعتني 
اوووووووووووووووووي
ازاي الكلام كان بيوجع كده
ربنا يريحلك قلبك عشان
متفضليش موجوعة كده
وانا مش ف ايدي حاجة للاسف
ربنا يرشدك للخير والصواب يارب

********************************