الجمعة، 28 أكتوبر 2011

الاكتئاب


فجاة كده الاكتئاب زاد عند اغلب الناس اللي اعرفهم 

وانا معاهم.....بس انا دائما وابدا ....بحب اتظاهر بأني بخير 



وتمام ومفيش اي شئ ....وفي حد سألني السؤال ده قبل كده 

ليه بتحبي تبيني انك كويسة اوي مع ان في احساس جوايا 

انك مش كويسة بالقدر اللي بتبينيه ...؟؟؟

وقتها قولت ...يمكن عشان بحس ف اوقات كتير اني مصدر القوة للآخرين 



انا اللي بشجع وانا اللي بطبطب وانا اللي بخفف عنهم 

مش معقول يعني بعد كل ده ...يجوا يلاقوا واحدة ميتة من كتر ماهي موجوعة :) 


ملحوظة : الموضوع ده متعب جداااااااااااااااااااا انك متبقاش عاوز تشيل حد همك  :( 

************************************************

هتكلم عن كذا نقطة :واحدة من صحباتي يعني كانت داخلة ف قصة حب 

ومكملتش...وطبعا حاليا هي مخنوقة ومضايقة ....ومكتئبة  وحاجات كتير



طبعا مش بقول متضايقش ولا بتفه من الموضوع 

لاء طبعا حقها تضايق وتتخنق....اصلا الواحد لما بيبقي مسستم نفسه علي حاجة 

وفجاة مايلاقيهاش ......بتبقي صعبة 

ما بالك دي سستمت نفسها علي انسان هتكمل معاه باقي حياتها 

بس الفكرة بقي بيفضلوا مدخلين نفسهم ف مود اكتئاب

واغاني حزن بقي .....وعياط وشجن 

اتقهري واحزني واكتئبي .....بس انا بقولك خديلك ف المود ده اسبوع 

ومتكتريش عن كده .....لسبب بسيط جدا جدا جدا 

مهما عملتي ...صدقيني انا محدش ف الدنيا هيحس بيكي

لان محدش هيكون قلبه مموته من الوجع زيك 

ف متحاوليش انك تصعبي علي حد ....غير كده اشغلي نفسك 

بــــــــــــــــــــــــــــأي حاجة مفيدة .....اتهلكي خروج مع صحابك 

اقري كتييييييييييييييييييييييييييييييييييييييير.....اتعلمي حاجة جديدة

اتعرفي حتي علي ناس جديدة....اشغلي وقتك ...مع الوقت هتبصي

تلاقي نفسك مع الوقت بتنخرطي ف حاجات كتييييييييييييييييييير 

مش هقولك هتنسي 100% ....بس فجاة هتحسيه وقع من حساباتك 

هتلاقي نفسك مبقتيش تفكري اصلا ف الموضوع 

ولا بقت تصعب عليكي نفسك ....بس ف نفس الوقت من جواكي حاولي تسامحي 

ولآخر لحظة تلتمسي الاعذار انه اكيد فضل انكم تبعدوا لسبب  ما :) 

*********************************************

بالنسبة للناس اللي لسه ربنا مرزقهاش بشغل 

انا عارفة كويس اوي ان الموضوع ده بيوجع وبيحرق وبيعصب 

لاني عارفة الاحساس ده كويس جدااااااااااااااااااااااااااااااااااا 

بس خلي عندكم امل وثقة كبيرة ف ربنا ان ربنا شايلكم الاحسن 

خلي عندكم ايمان ....ان ربنا مديكم فرصة ف انكم تدوروا ع الافضل 

يعني مش معني انك قاعد او قاعدة ف البيت ....يبقي كده خلاص بقي 

منعملش حاجة....ثقفوا نفسكم.....خدوا كورسات ....اتعلموا حاجة جديدة

متسيبوش نفسكم كده ....علي فكرة اللي بيسيب نفسه كده لقعدة البيت 

دماغه بتقف بعد فترة.....ومش تهريج ....فعلا بعد فترة عقله بيصدي 

ماهو مفيش حاجة ف دماغه بقي ......مفيش حاجة شاغلة العقل 

مفيش مدخلات مفيدة بتدخل :) 

بالنسبة لناس خطوات مهمة ف حياتهم اتاخرت...ده تدبير ربنا 

صدقوني كلهم رسايل من ربنا....ادعوا باخلاص تعرفوا ايه الرسالة

واكيد ربنا هيرشدكم لحكمته ورسالته ....آآآآآآآآمين يارب 



***************************************

عاوزة اجيبلكم شوية كلام كده عجبني جداااااااااااااااااا 

فكروه فيه شوية ....حسوه بجد من جوة....يمكن يغير شئ فيكم 




كل حاجة في الدنيا مطروحة للنقاش
،مطروحة للتجربة ولو غلط يبقى مصلحة
عشان ساعتها الدرس هيعلم فيك أكثر

لـــــ عمرو سلامة من كتاب شاب كشك


أنا شايف إن نصايح الناس
خصوصاً المقربين ليك
،مش على طول مفيدة
لإن الناس بتنصحك عشان بتحبك
بيحاولوا يخلوك تتجنب الفشل
والآلام المترتبة على هذا الفشل
ومش عارفين إن ده في معظم الوقت
بيوديك للفشل بعينه .. بأسرع طريق
الخط المستقيم


لـــــــــــــ عمرو سلامة من كتاب شاب كشك 

ودي لوحدها مصيبة سودا....زي بالظبط ما تيجي تنصح واحدة لسه داخلة الجامعة 

وتقولها خلي بالك متحبيش الحب عذاب الحب قرف ...الحب وحش

وتبقي بتحاول معاها بكل الطرق تقنعها انها متحبش وتكرهها ف كل الولاد اللي ف الدنيا 

مع ان ممكن تقولها الحب زي ما فيه عذاب زي ما فيه حاجات حلوة كتير 

وزي ما في ولاد بيلعبوا بالبنت ...زي ما في ولاد محترمين ...وولاد ناس

وزي كمان ما انتي اكيد ليكي عقلك وتعرفي تحكمي .....وزي ما كمان انتي عارفة 

الحلال والحرام ...والصح من الغلط 

واكيد هتعرفي تتصرفي باسلوب يليق بيكي 


"انا فاكرة ف يوم جيت حكيت لماما موقف كده وانا ف ثانوي 

المفروض انها تتعامل مع الموقف بحزم لان حاجة مفيهاش تهريج يعني 

لقيتها بتقولي انا واثقة فيكي وواثقة انا مربياكي ازاي ....وقتها خلتني بالجملة دي 

انسي اي شئ يخص الموقف تماما وكأنه لم يكن ومحاولتش اعيد التفكير ف الموقف

 تاني خااااااااااااااالص " 

:) 




لو اقتنعت إن الحياة امتحان
هيبقى اقتناع سلبي جداً
هيعيشني حياتي خايف وجبان
وخصوصاً إن مافيهوش غش
والمقرر كمان ليه مليون تفسير وكتاب ومدرس
" هو أينعم " أوبن بوك
بس مافيش امتحانات سابقة
أو براشيم أو ملازم الإجابة النموذجية
أو كتاب الأضواء

لـــــــــــ عمرو سلامة من كتاب شاب كشك 



من وجهة نظري عيش ف حياتك عشان تحقق حلمك 

واستقتل بكل ما فيك من قوة عشان تحققه 

وماتقولش سني بقي اد ايه 

ولا بقي عندي كام عيل 

ولا اي شئ 

فكر بس ازاي تحقق حلمك 

عيش ف حياتك عشان حاجة تموت عشانها 

صدقني دي هتخلي لحياتك طعم 



أهم حد تاخد رأيه هو إنت
ممكن تاخد آراء ناس ثانية
عندهم خبرة أو علم
بس في النهاية
أعمل اللي قلبك موديك ليه
لكذا سبب
السبب الأولاني : إنك لو مشيت ورا رأي الناس
لو نجحت يبقى نجاحك ده هو نجاحهم هم
ولو فشلت هتعلق فشلك عليهم
لا هتاخد تقدير النجاح
ولا هتشيل نفسك مسؤولية الفشل
لكن لو كانت قراراتك كلها مبنية على قلبك
وعقلك إنت
هتبقى إنت اللي نجحت
وهتتعلم أكثر من فشلك
اللي هو مش فشل كيانك كبني آدم
ده فشل التجربة نفسها



لـــــــــــ عمرو سلامة من كتاب شاب كشك 


وهو ده اللي انا بعمله 
باخد اراء ناس كتير ....وبفكركتيييييير 

بس باجي ف الاخر اعمل اللي احسه انا 
واللي قلبي يقولي عليه 

حتي لو لبست ف الحيطة ف الاخر 

مش مهم 

المهم ماجيش واقول يارتني ما سمعت كلام فلان 

كلامي بيبقي طالع من دماغي 

وده اهم حاجة 

لاني لو مغلطتش عمري ما هتعلم ابدااااااااااا 





الحياة غريبة ومعقدة وملفلفة
ومش واضحة خالص
عندها قدرة عجيبة إنها تفاجأك
وكل لما تفتكر إنك خلاص
مش هتستغرب تاني
.. تفاجأك تاني
وأعتقد يعني إنك لو ما بتتفاجئش )
( تبقى مش مركز معاها كويس

لــــــــ أحمد العسيلي من كتاب مالوش اسم 





"إننا لا نفهم أن مزحة صغيرة
يمكن أن تجعل كأس المعاناة يفيض"


لـــــــ باولو كاويلو....من كتاب مكتوب ان تتخيل قصة جديدة لحياتك 


"اجعل حياتك سعياً لتحقيق أسطورتك الخاصة
قدرك الخاص .. ومهما واجهت من صعاب
لا تجعل شيئاً يقف فى طريقك
لا الإحساس بكرامة
ولا الشعور بيأس
أو خيبة أمل
لا تتردد ولا تستسلم"


لـــــــــ باولو كاويلو ....من كتاب مكتوب ان تتخيل قصة جديدة لحياتك



"الانتقال من مستوى لمستوى آخر يتطلب طاقة
كما علمتنا قوانين الفيزياء
وقد تكون هذه الطاقة عاصفة رعدية
ترسل صاعقة إلى بيتك
،الغارق بالفعل في ماء الأمطار
وقد تكون حرارة الشمس المتعامدة تماماً
،على بيتك الكائن في أحد المناطق الاستوائية 
وقد تكون هذه الطاقة
كلمة بسيطة من شخص يؤمن بك"


لــــ أحمد فايز...لمحات 


طبعا لا اخفي عليكم سرا 

اني ممكن ابقي ف اسوأ حالاتي ...والاقي واحدة من صحباتي اون لاين 

واقرر فجاة احكيلها في ايه ...ومالي وايه اللي مضايقني 

والاقي رد فعل غرررررررييييب :D 

بكره نفسي وبكره تفكيري اللي خلاني احكي 

طبعا بغض النظر عن ناس معينة فعلا فعلا برتاح لما بتكلم معاهم




عشان كده ابوس ايديكم .....وانتوا بتتكلموا مع حد سواء ف احسن حالاته او ف

 اسوأها 


انتبهوا لحاجتين ...لكلامكم ....وتأثير الجملة دي عليه 

عشان  حقيقي ساعات في كلام بيخلي الواحد يندم انه نطق اصلا 




"كل إنسان ارتكب على نحو ما خطيئة ما
ولو قُدّر لنا أن نقرأ في قلوب الناس خطاياهم
لأثرنا فضائح لا نهاية لها
ولكان علينا أن نوجه اتهامات بلا عدد
وأحكاماً بلا عدد
فمن لم تزنِ يده .. زنت عينه أو لسانه أو سريرته
ومن لم يغش في التجارة
غش في الوظيفة أو المهنة أو في العاطفة
!! وكله غش
وربما كان غش التاجر أهونها
!! لأنه يتناول المادة لا الروح "


لـــــــــــ حنا مينا 

ولهذا السبب بطلت احكم من زماااااااااااااااان علي اي حد :)

مش من زمان بعيد اوي يعني




 

"هل تؤمن بالنصيب؟

وهل تعتقد أن هذه الكلمة تكفي لتبرير حادثة؟

وإذا كنت تؤمن بالنصيب فهل تعني به شيئا تختاره أنت،

أم شيئا مفروضا عليك؟

ألا تشعر أحيانا بأنك كتلة من أعصاب ثائرة مبدعة

وأنك تستطيع أن تعيد تصفيف نجوم السماء المبعثرة

وأن النصيب هو ما ترسمه أنت،وأنت وحدك؟!

ألا تشعر في فترات أخرى أن خيوطا عنكبوتية خفية لا دخل لك فيها

تشيد ملامحك وتصرفاتك وعواطفك؟و

أنك تبتسم وتتحرك وأنت شبه منوم،

كأن شعاعا مبهما بنهب أعماقك ويسلبك إرادتك؟

أنك تبحث عن تبرير لأعمالك بعد أن تقوم بها

،تحاول أن توجد لنفسك سلسلة منطقية تشد تصرفاتك كلها بشكل (معقول)

فتصدق نفسك وتكاد تؤمن بتبريراتك،وتضيع في بحر من الحيرة

لأنك تؤمن داخليا بأنك لم تكن (أنت) الذي تصرفت

ومع ذلك فإن مسؤولية هذه التصرفات تقع (اجتماعيا) عليك

..وفي لحظة ما تسأم من حاجتك إلى تبرير نفسك للناس فتصرخ فيهم

إنه القدر .. (نصيب)

وفي لحظات أخرى تشعر بأنك لست مديناً لأي إنسان بأي تبرير

،فتكتفي بالصمت،

وبالتساؤل المتعب:لماذا حدث هذا؟"


!


لـِ غادة السمان




ايمي انتيمتي ف مرة قالتلي انتي حد مؤثر جداااااااااااا

يومها شكرتها ...واتبسطت

بس الجملة اتكررت عليا ف رمضان

اتعرفت علي شخصية لطيفة :)

وتقريبا قالت نفس الجملة.....انتي حد مؤثر

او كلام شبه كده باني حد متفائل وان ممكن حد ياخد باله من تصرفاتي ف يعجب بيها وابتدي يعمل زيها



بعدها بقي  يعني الايام دي كده

فوجئت بواحدة صاحبتي لقتني مخنوقة  اوي

ف كانت بتواسيني بقي وكده وتحاول تخفف عني

لقيتها  بتقولي تعرفي اني بستمد قوتي من قوتك

انا شايفاكي يا منمن حد قوي اوووووووووووووووي

بقيت بحاول ابقي زيك....بقيت بتعلم منك

عشان انتي بجد عجباني بصمودك وقوتك دي

طبعا انا كنت مزهولة

وطبعا ترسخت ف دماغي اكتر فكرة اني مصدر قوة للآخرين

ممكن مبقاش كده...بس يكفيني ان في اشخاص بحياتي حاسين اني كده

وده كفيل اني افضل كده عشان خاطرهم

مع ان بجد الموضوع ده متعب اوووووووووووووووووووووووي

بس ف نفس الوقت احساس انك بتعمل حاجة بجد تأثر بيها ف حياة الآخرين لا يقدر بثمن


مش مهم ايه المحنة اللي عندك ......مش مهم ايه مشكلتك

المهم انك متقفش عندها وتبدأ تفكر بالحلول....وازاي تستغل محنتك ومشكلتك افضل استغلال

عشان تطلع مستفيد بشكل كبير 


يارب يارب يارب 

يكون كلامي ده مفيد ....وقبل ما يكون مفيد ليكم 

يكون مفيد ليا 

آآآآآآآآآآآآآآآآآآمين 

وربنا يفرج همومنا وغمومنا جميعا 

ويبدلها بفرحة تهتز لها قلوبنا 

آآآآآآآآآآآآآآآآآمين يارب العالمين 



شكرا لمدونة بوبا صاحبتي اللي اقتبست منها بعض اقوال كتبتها ف البوست ده

وعجبتني جدااااااااااااااااااااااااااااااااااااااااااا


الاثنين، 24 أكتوبر 2011

مرحلة جديدة 2 ....وشوية حاجات كده بردو :D

مرحلة جديدة....بدأتها من يوم السبت

طبعا مش عارفة احكم اووووووووووووووووي

يعني لسه ف البداية جدااااااااااااااااااااااااااااااااا

ومش عارفة اتبين اي شئ .......بس اتعرفت علي شوية

ناس ...من الواضح انهم شخصيات لطيفة ....مش هقول عنهم

اكتر من كده لاني بطلت احكم علي حد بقالي كتيييييييييييييييييييييير

يعني سمعت اخبار لا تبشر ....بس مازلت واثقة ف ربنا ان اي حاجة

ف الدنيا صعبة ف اولها ...وبعدين الواحد بيتأقلم المهم الواحد يعمل اللي عليه :)

***************************************

ملحوظة علي جنب : انا مش مغرورة....ومش بفتخر بنفسي ولا بتكبر ولا اي حاجة

عشان بس اي حد هيقرأ الكلام الجاي ده مياخدش الفكرة دي .

مبدئيا انا لما بعمل حاجة كويسة او خير ....بعملها عشان ربنا ...عشان انا ببتغي وجهه

وعشان اللي قصادي محتاج فعلا وممكن الحاجة دي تفيده

بالنسبة بقي اني ممكن اقولك علي فرصة شغل ولا ابعتلك كورس ....ولا حتي اقولك

علي اي شئ ...حتي لو حد كان طالب مني اعرف مثلا اسعار حاجة ف مكان

اي طلب ...سواء اللي قصادي طلبه او انا حسيت انه محتاجه ف عملته

بالنسبة لكل ده ...لو انا عملت حاجة زي دي ......انا مش بطلب بعدها يتقالي شكرا

لان الزوق واللباقة والشياكة دي انا مش همشي اعلمهم للناس ...بس ابسط حاجة

مالاقيش الشخصية المعنية بالموضوع بــــتـــتـــنـــك عليا.......والتــــــــــــنـــــــاكــة

واخدة حقها اووووووووووووووووووووووي معها ....لاء وعلي مين : عليا انا

بصراحة يعني انا مزهولة ....بس قشطة


ملحوظة علي جنب : انا بعرف ابقة تنكة كويس اوي ....بس مبحبش استنزف طاقتي 

ف حاجات ملهاش لزمة.....عندي حاجات اهم بكتير من اني اتنك عليكم . 


ملحوظة اخري : اي حاجة بعملها هتعود عليا ...حتي لو كانت كلمة تشجيع لحد محتاجة الكلمة دي 

اصل اللي بيعمل الخير وبدون مصلحة ....ربنا مش بيسيبه ....هيكرمني بإذن الله :) 




*********************************************

 إيــــــــــــــــــــــــــــــــــــــــــــــــــــــــــــمــــــــــــــــــــــي

بعشقك + بعشق التوارد اللي بينا .....بحب كل حاجة بينا بجد 

يارب ديم علينا النعمة دي 

وديم عليا نعمة انها تفضب صديقتي وحبيبتي ....واختي 



وكل حاجة 

ربنا يحفظك من كل شر ياااااااااااااااااااااارب 

وييسرلك خطواتك يااااااااااااااااااارب 

ويوفقك ف كل اللي جاي ;) 

احم ....ومبروك عليا وعليكي ....فاهمني طبعا يا نصة  ;) 

********************************************

نظرا للاكتئاب اللي زاد فجاة .....عند كل الناس :) 

محتاجة اتكلم عن الحوار ده ف بوست لوحده :) 

فـــــــــــانــــــــــــــتــــــــــــــظـــــــــــرونــــــــــــــــي 

*******************************************

السبت، 22 أكتوبر 2011

مرحلة جديدة ...يارب يسر:)

خلاص كلها تقريبا ساعة وابدا مرحلة جديدة

مرحلة كنت بحلم بيها من زمااااااااااااااااااااااااااان

والخطوة دي المفروض كانت تحصل من سنة

بس الله اعلم بالخير طبعا ....ف ربنا اراد ان

الخطوة دي تتاخر سنة....ع الرغم من ان ده حلمي

وخلاص بقي جت اللحظة اللي هيتحقق فيها

وللاسف جت اللحظة بردو اللي لازم انزل فيها :D

لما ارجع اكمل البوست :)

الجمعة، 21 أكتوبر 2011

تجربة تستحق الكتابة


نظرا لأني فجأة ....لقيت نفسي محاطة الي حد ما 

بـــــ "الحوامل" ......اتنين منهم اصحابي ....والتالتة تبقي مرات خالي 



هتكلم عن مرات خالي تحديدا ....لانها تقريبا ف السابع او التامن ....يعني 

ف شهر متقدم جدااااااااااا....علي عكس اصحابي اللي لسه ف التاني والتالت 

من اسبوعين كده ....سالت مرات خالي : انتي بتحسي بحركة البيبي ف بطنك 

قالتلي طبعا.....قولتلها بتحسي ب ايه ....بيبقي متعب فعلا ....قالتلي ممكن لو بيتحرك جامد 

تحسي ان روحك بتتسحب للحظات كده .....وترجعي تهدي تاني ....ويرجع يخبطك 

ف روحك تروح كده بردو....وهكذا .....قولتلها بس أكيد بتبقي فرحانة 

قالتلي طبعا ببقي فرحانة .

لحد كده و وقفت كلام معاها .....بس هي فعلا تجربة تستحق ان الواحد يتكلم عليها 

احساس ان في حاجة منها ....جواها...وبيتحرك.....اي نعم ....لما سألت صاحبتي 

قولتلها وانتي حامل المرة الاولي لما كانت بنتوتك بتخبطك او بتتحرك ....كنت بتبقي فرحانة

قالتلي كانت بتوجعني .....كنت ببقي فرحانة ازاي يعني 

هو يمكن يكون معاها حق .....بس فكرة ان اللي جوايا ده ابني او بنتي 

فكرة عميقة ....واعتقد حلوة جداااااااااااااااااااااااااااااااااااا 

الفكرة نفسها انا مش لاقية كلام اوصفها بيه .....بس بجد اعتقد انها حاجة روعة

احساس الأم اصلا انها مشتاقة تشوف طفلها 

في أمهات بتكلم طفلها وهو لسه جواها .....مش جنان ....بس اعتقد عاملين زيي كده 

مؤمنين بتلاقي الأراوح ....انا بكلم بنتي شهد من دلوقتي .....مع اني لسه متجوزتش الحمدلله :) 

بالنسبة لكتير من اصحابي ممكن يقروا البوست ده ويقولوا ....اني غيرت رأيي ف الجواز :D 

خاااااااااااااااااااالص ....مازال رأيي ف الجواز انه مشروع خسران 

بس تجربة الاطفال دي ....والامومة بجد تجربة تستحق الحديث عنها فعلا :) 

ربنا يرزق الجميع ياااااااااااارب :) 

ويقوم كل البناويت الحوامل بألف سلامة ياااااااااااااااااااااارب 


الأربعاء، 19 أكتوبر 2011

والناس تصــدق أي تلكيكــة تملى قلوبها بالفـــرح وتطيــر..



‎.رغم السنين والغربة والمشــاوير


رغم اللي شوفته وإللي شوفته كتير


رغم الجراح واليأس والأشبـاح


وقت الصباح بنقول صباح الخيـر

ورغم إن الكــل داق الــذل


الناس ترد تقول صباح الفـــل


والشمس تشرق عـ الجميع وتطل

والشمس ليها عـ القلوب تأثيـر

تنــده عـلينا وصـوتها مازيكة

تمســح سـواد الليل بأستيكـة

والناس تصــدق أي تلكيكــة 

تملى قلوبها بالفـــرح وتطيــر

والفرحة ليها فـ الحيـاة معــنى

والمعنى حُــب وصدق يجمعنــا

ولو إجتمعنا ننسى أطمعنــــا

وساعتها نقدر نمعــن التفــكير

الجرح نازف بس ما بيوجعـــش

والشمس تنده وإحنا ما بنسمعـش

وإللي يفوته العمر ما بيرجعــش

وإللي يفوته الحلم فاته كتيــــر

والصبر حلو وبشر الصابـــرين 

ولو إختلفنا بردو متفقيــــن

إن الألم والفرح مــــش دايمين

ومهما ضاقت لينا رب كبيــــر



لـِ أسامه عبد الصبور

لعله خير....جت ف وقتها بجد




بجد بجد ....جت ف وقتها ....حاسة اني محتاجة اسمع حاجات دينية كتييييييييييييير

:)

يارب

الثلاثاء، 18 أكتوبر 2011

نفسي يغمي عليا...مش عايزة احس بحاجة...يارب ارجوك :'(


اليوم من اوله كان جميل جدااااااااااااااااااااا 

علي الرغم من اني نزلت مخصوص عشان 

اعمل حاجة معينة ومتعملتش ...وتقريبا مفيش نصيب يعني 

انها تتعمل ع المدي القريب....بس بردو الحمد لله 

ويشاء ربنا اني اشوف اتنين من اصحابي 

بجد قلبتوا لي اليوم ....يخربيت الضحك ....كان يوم حلو بيكم 

حكيكي اتبسطت برؤيتكم جداااااااااااااااااااااااااااااااا

**********************************

من اكتر الحاجات اللي خنقنني ....سؤال ساندي : 

هو مفيش حاجة جديدة ...؟؟؟؟

علي اساس ان كان في قديم ....وعلي اساس اني 

لو بعد الشر اتخطبت او اتجوزت ...هخبيه مثلا !!!!

بطلوا الاسئلة دي بقي ارجووووووووووووووووووكم 

*********************************

اخر اليوم .....بمعني الكلمة فكرتوني بكل حاجة 

حرام عليكم ....ليه كده ....وبالنسبة للفرحة 

اللي قولتيلي بيها الخبر 

انتي فعلا مش حاسة اني بتوجع؟؟؟؟

فعلا يعني ؟؟؟؟

حرام عليكوا ....ازاي مش حاسين بالوجع اللي جوايا ده 

انا مش عارفة ابطل عياط  من ساعتها 

بدعي ربنا من كل قلبي يغمي عليا لحد الصبح 

مش عايزة احس بحاجة ف الحياة

كفاية كده ....اليوم كان حلو جداااااااااااا 

واتقفل قفلة سودا ....كان نفسي يفضل حلو للآخر 

والله يارب انا مش معترضة علي حاجة 

بس انا تعبت اوووووووووووووووووووي 

تعبت ومش لاقية حاجة واحدة مهونة عليا 

كل ما افرح شوية او حتي ابتسم 

الاقي اي حاجة ف الدنيا تعكنن عليا 

بس المرة دي العكننة جت شديدة 

حرااااااااااااااااااااااااااااااااااام عليكووووووووووووووووا بقي 

*********************************

يارب 

يارب 

يارب 

********************************

مش عارفة اكتب تاني مع ان جوايا كتير 



من كتر العياط .....والله ما قادرة اتخيل 

انتوا ازاي مش مستوعبين اني موجوعة 

ومجروحة وان الموضوع مينفعش يعدي عليا كده 

الغريبة الاسلوب اللي قولتيلي بيه الخبر

يارب سامحهم 

****************************

الاثنين، 17 أكتوبر 2011

يومــــاً ما !!!!

إلي بنتوتي المستقبلية : 
شـــــــــــــــــــــهــــــــــــــد 


يوماً ما سأعلمكِ كيف تصلين


وكيف تسبحين بأناملكِ الصغيرة

يوما ما ستدوي ضحكاتكِ البريئة في أرجاء البيت

يوما ما سنتسابق أنا وأنت

لاستقبال والدك عند الباب وستسبقيني كالعادة

يوما ما ستنامينَ في حضني

ستسكنين في فؤآدي

وتلونين حيآتي

ستروي عطشي وتخففي لهيب شوقي

يوما ما سأتذكر هذه الحروف وأبتسم وأحمد الله كثيراً

يوما ما!!!


نقلا عن صفحة بالفيس بوك


اشتقت إليكِ كثيرا يا شهد