الثلاثاء، 10 أبريل 2012

زي النهارده من سنتين :(


زي النهارده من سنتين بالظبط ...جدتي اتوفت ...وحشاااااااااااااااااني اوي ....وحشني صوتها ...لمستها ....حضنها ...كل حاجة فيها وحشاني 

ضحكتها ....نفسي اشوفها واحضنها اوووووووووووووووووووووووووووي ....لسه فاكرة اخر طبطبة ليها عليا ....لسه حاسة بنفس اللمسة ....وحشتيني اووووووووووووووووووووووي بجد :( 

يارب ارحمها واغفرلها واجعلها ف جنة الفردوس الأعلي ....كان نفسي تكوني موجودة هنا دلوقتي ...يارب انت العالم بكل حاجة ...يارب خفف وهون :(


________________________________________________

كل ما الوقت بيعدي بتوحشوني اكتر ....كنتوا حاجة كبيرة اووووووووووي عندي 

جدي وجدتي ....بحبكم اوووووووووووووووووي ....وجودكم كان هيفرق جامد 

جدي ....وحشني حضنك اووووووووي ....وحشتني نظرتك ليا ....ازاي ضحكتك وحشاني كده :)  

موجوعة من كتر اشتياقي ليكم :( 

_______________________________________________

مين قال ان الوقت بينسي ....!!!!!!!!!!!!

كل ما الوقت بيعدي ....بنحن  اكتر وبنشتاق اكتر ...وبنتوجع اكتر واكتر 

عشان حبينا بجد .....ده احنا لما بنحب حد وبيبعد عننا بنبقي بنموت من وجعنا عشان اشتياقنا والحنين اللي حاسين بيه 

ما بالك ....اللي بحن له وبشتاق له ده ....جدي وجدتي ...ومااااااتوا خلاص 

عارفة انهم ف مكان احسن كتييييييييير من كل اللي ف الدنيا ده 

بس وحشوني :( 

______________________________________________


يارب هون وخفف علينا كل حاجة 

يارب 

الاثنين، 2 أبريل 2012

دروس الحياة






النهارده بس أدركت معني دعائي لربنا ...واقوله يارب ثبتني ...اللهم يا مثبت القلوب ثبت قلبي علي دينك

اللهم املأ قلبي بالايمان

أدركت معناها جدااااااااااااااااااااااااا النهارده

عايزة اتكلم ف الموضوع ده كتير جداااااااااااااااااااا

عارفين لما تكونوا بتدعوا بدعاء ...عادي كده ...مش حاطين ف دماغكم اوي تفاصيل وابعاد الدعاء

وتيجي قصادكم حالة حقيقية ....حالة تمسكم اووووووووووووووي

وتحسوا من جواكم معني الدعاء ده

عرفت النهارده يعني ايه اكون متمسكة بمبدأ بقالي زمن ....وعشان ضغوط الحياة

وعشان خنقتي وعشان الناس حواليا....ممكن اتنازل عنه

مش عايزة حد يدخل ف الدين ....ولا يقول كده مفيش إيمان  ولا ثقة ف ربنا

انا بتكلم خارج موضوع الدين .....هديكم مثل  ....زي واحدة فضلت محجبة كتيييييييير اووووووووووووي

ولسبب او لآخر...بسبب الحياة ...بسبب الفتن ....بسبب الضغوط ...بسبب عدم الجواز

بسبب حاجات كتييييييييييير اوووووووووووي

حست نفسها مخنوووووووووووووووووووووووقة اوووووووووووووووووي

ف قلعته .....مش هحكم عليها انها معندهاش ايمان ولا ثقة ف ربنا

الفكرة مش في  كده خاااااااااااالص.....الفكرة لمستني من جوة اوووووووووووي

من الآخر انا مش بحكم علي حد ...ومش أنا اللي احكم ....عشان انا انسانة بغلط وبعمل ذنوب

والواحد مش دايما صح ...ف عشان كده انا مش بحكم عليها

بس من جميع الابعاد ....ادركت معني الدعاء

يارب ثبتني ....يارب ثبتني ....يارب ثبتني

ويارب اهديها وريحها وحقق آمالها ....واهديها للحق والصواب

يااااااااااااارب

آآآآآآآآآآآآآآآآمين

_______________________________________________

عمالة اتعلم ف دروس كتير اوي الايام دي....حاسة اني بكبر بسرعة اوي

حاسة اللي الناس بيتعلموه ف سنين....انا اتعلمته ف اسبوع

 علي اد ما هي حاجة حلوة جدااااااااااااااااااا....علي اد مانا حاسة اني من جوايا

كبرت كتيييييييييييييييييييييييييييييييييييييييير اوووووووووووووووووووي 


______________________________________________


واحدة النهارده كانت بتكلمني علي حد كانت معجبة بيه وعرفت عنه أخبار مش حلوة

 ف قررت تشيل الموضوع من دماغها ....ف كانت بتقولي انها تعبانة ومش عارفة تنسي

قولتلها......احمدي ربنا ....احمدي ربنا جاااااااااااااااامد انها كانت علي اد اعجاب

احمدي ربنا انك لسه بخييييييييير من جواكي ...لسه مدخلتيش ف الموضوع ولا الموضوع دخل ف خطوبة

كنتي تعبتي اكتر....

قولتلها انتي دلوقتي  بتعملي
CMA
ولأي حد مش عارفها ف هي شهادة زي الماستر كده

وترجمتها

Certified Management of Accounting

بقولها انتي دلوقتي بتحضري ماستر .....ركزي فيها اوووووووووي

ركزي انك تعديها وتجيبي تقدير .....ركزي ف حياتك اوووووووووووووووي

اركني الحب والارتباط علي جمب....او تحديدا اركني الرجالة علي جمب ...ومتفكريش

صدقيني كده اريح ......بس اووووووووووووعي تقفلي علي قلبك ....عشان صدقيني يوم  ما هتقفلي عليه

هتقسي اوووووووووووووووي من جواكي.......واول حد هتقسي عليه هو نفسك

قولتلها اسمعي كلامي ....وافهميه كويس اوووووووووووووووووي


محدش بيموت من الحب ....بس اللي هيموتك  ان الحب يموت من جواكي

صدقيني .....هي محتاجة ارادة ....عشان بجد لما اللي جوة الواحد بيموت ....صعب حد يجيي ويخليه يعيش تاني

______________________________________________________


كنت بسأل واحدة النهارده ف الدبلومة عندها كام سنة ....قالتلي انا كبييييييرة اوي وقالتلي انها 37

مع ان شكلها صغير ماشاء الله لا قوة الا بالله

فكرت ف نفس اللحظة انها ممكن تسألني وانتي بقي عندك كام سنة ....هقولها 22 سنة

هتقولي يااااااااااه لسه بتبتدي .......فكرت ف الجملة دي اللي جت ف بالي

ياتري انا لسه ببتدي .....ولا انتهيت  !!!!!!!!!!!!!!!

سؤال محتاج لإجابة فعلا .......بس علي ما الاجابة جوة السؤال

بس الاجابة صعبة جداااااااااااااااااااااااااااااااااااااااا

ومحيرة اوووووووووووووووووووووووووووووي

هو صحيح ياتري انا ببتدي فعلا ولا انتهييييييييييييييييييييييييييييييت خلاص !!!!!!!!!!!!!!!!!

_______________________________________________________

كل حاجة ف الحياة بتحصل بأمر من ربنا ....ولحكمة عارفها ربنا

المهم ف الاخر .....ان ربنا يستجيب لنا في دعائنا

اللهم اني لا اسألك رد القضاء ولكني اسألك اللطف فيه

يارب لو كانت الامور اللي بتحصل في حياتي خير ليا ....حببني فيها وصبرني عليها لو مكنتش متقبلاها

ويارب ارشدني لحكمتك من حدوثها ....اللهم آمين يارب

_______________________________________________________

ربي ....لا أعلم ما تحمله الايام لي ....(لكن) ....ثقتي بأنك معي ....تكفيني

الأحد، 1 أبريل 2012

بعترة كلام





حاجات كتير اوووووووووووووووووي اتغيرت 

الحياة بقت  صعبة بجد ....صعبة اوووووووووووووي 

كل ما نعتقد اننا فاهمناها خلاص....ترجع تدينا درس جديد واسئلته تبقي معقدة جدااااااااااا ....اكثر تعقيدا من اللي قبله 

مؤخرا قرارات كتير اووووووووووووي اخدتها ... قبل القرارات دي كلها 



كنت نفسيا ...مدمرة ....لاء مش مدمرة....كنت بلا نفسية .....كنت عاوزة اسيب الشغل 

مكنتش عاوزة اروح الدبلومة تاني .....مكنتش عاوزة اعمل اي حاجة ف الحياة 

كنت واصلة لمرحلة من الانهيار ...مرحلة بشعة :( 

كنت بدعي يغمي عليا عشان محسش بأي حاجة 

قرارات كتير اخدتها ....

قفلت الفيس ....غيرت الميل ....غيرت كل حاجة تقريبا 

بعدت عن كل حااااااااااااااااااااااااااجة ف حياتي 

دلوقتي انا مرتاحة اكتر 

بس مش بدرجة جامدة .....بدعي ربنا يرشدني 

اللهم ارني الحق حقا وارزقني اتباعه وارني الباطل باطلا وارزقني اجتنابه 

_______________________________________________ 

امتحاناتي كمان شهر بالظبط ....يارب انت القادر توفقنا وتعديها علي خير 

وتنجحنا جميييييييييعا ....يارب 


_______________________________________________

واحدة  صاحبتي تألقت وبتقولي انتي بجد اللي هيريح نفسيتك ...انك تحبي وترتبطي 

وتتجوزي ....ياعيني ...البنت دي فاهمة الحب والارتباط والجواز غلط خالص 

دول لو ريحوني يوم ...هيتعبوني ايااااااااااااام ....الحمدلله جدااااااااااا

عارفة ان ربنا لسه مرزقنيش عشان عارف انه لسه مش الوقت المناسب 

ربنا يرزق البنات والشباب بالخير كله 

آآآآآآآآآآآآآآآآمين 


_____________________________________________

بدخل المدونة عندي كلام كتير عاوزة اكتبه ....بمجرد ما بدخل الكلام بيطير 

وبيتبقي بعترة كلام   :) 


بقيت بدخل من وقت للتاني تويتر ...لو حد عاوز يتابعني هناك
ممكن يتابعني من هنا
https://twitter.com/#!/omnyaazmy


@omnyaazmy

_______________________________________________