حاجات بتفرحني :)

كنت قاعدة مع نفسي كده ....وجه ف بالي الحاجات اللي بتفرحني : 

* كلمة حلوة من حد اعرفه او معرفوش ...بس حلوة ف حقي وتبقي بجد 

*هدية بسيطة اووووووووووي من حد من اصحابي ...بس معناه يكون عندي كبير...حتي لو كانت الهدية دي شيكولاتة جالاكسي :D 

*لما ارجع البيت والاقي ماما عاملالي حمص الشام اللي بعشقه :) 

*لما ارجع البيت والاقي في هدية حلوة علي سريري....بغض النظر عن هي ايه ...بس بكتشف اني كنت محتاجاها اووووي وناوية اجيبها بس ماما سبقت :) 

*لما ادخل بروفايلي ع الفيس الاقي وول بوست ...مكتوب فيه كلام حلو عني :) او دعوة حلوة ليا :) 

*لما انجز حاجة كان نفسي انجزها ...لما اعمل اللي عليا ف حاجة معينة 

*لما اكون برة ف عز البرد ...والهوا يجيي يطيرني والاقي فجاة ابتسامة اترسمت علي شفايفي لمجرد الاحساس بالهوا الساقع :) 

*لما اخفف عن حد تعبه وهمه ....لما افرح حد بجد ....لما حد يبتسم او يضحك واكون انا السبب 

*لما اعمل فنجان قهوتي واشربه بمزاج 

*لما اكون بقلب ف التي في ...وفجاة يجيي مشهد من فيلم او مسلسل والمشهد ده بالذات اكون بحبه اوووووووي 

لسه في حاجات تانية كتييييييييييييييييييييييييييير بتفرحني 

بس الهدف من البوست ...اقفش ف اي حاجة بتفرحك...عشان الفرصة مابتجييش كتير 

امسك فيها بايدك وسنانك ....وخلي الضحكة علي وشك اطول وقت ممكن ...عشان صدقني بتفرق ف حياتك جدااااااا 

دمتم سالمين