أبجديات الإحساس

أ = أحلام كتيييييييييييييير بحلم بيها ...وربنا قادر يخليها حقيقة قصادي 

إ =  إحساس بيخنقني لما يكون جوايا كلام كتير ومش عارفة اكتب منه ولا كلمة :(  

إ= إيمان ....انا عندي إيمان ...مش واحد لاء اتنين ايمان داخلي...وايمان انتيمتي ...ربنا يخليهالي :) 

أً= أًمنية ....اسمي...ومعناه ف اللغة شئ مستحيل الحدوث ....بيقولوا كل واحد بيبقي له نصيب من اسمه ....تفتكروا ...الحاجات المستحيلة الحدوث في حياتي...بسبب ان اسمي أمنية ...ع الرغم من كده فــ أنا بعشق اسمي ...شابوه للاسم ده بجد :) 

ب = بقيت مختلفة عن زمان ....في حاجات اتغيرت فيها للأحسن كتيييييييييييييييييير ...وحاجات تانية ضاعت مني 

ب= بدور علي نفسي بقالي  فترة....وهالاقيها إن شاء الله 

ت = تفتكري يا أمنية محتاجة ايه عشان تلاقيها ؟؟؟ فكري وهتعرفي كويس اوي ...اكيد ربنا هيرشدك بإذنه :) 

ث = ثائرة علي بعض الأشياء .... ولازم أعلن حملة للتمرد :D 

ج = جميلة جدا من جوايا وده شئ انا واثقة فيه كويس جدا 

ح = حمداً لله علي نعمة الاسلام ...وعلي نعمه الكتيرة اوووووووووووي عليا :) 

خ = "خالد" معرفش ايه سر حبي للاسم ده .... واني اقرر اخليه  يبقي اسم اول طفل ليا بإذن الله ....عايزة اسمي يبقي خالد بعد موتي ...عشان اعمالي ف الدنيا كانت طيبة :)  مع اني بكره الخلود :( 

د = دلوقتي احسن من زمان بجد ...الحمدلله 

د = دلوقتي احسن من شهور ...من سنة ...من سنتين 

د = دلوقتي ...عرفت اكتر...نضجت اكتر....دلوقتي أحلي من جوايا اكتر واكتر :) 

ذ = ذاكرة ممتلئة 

ذ = ذكريات جميلة ....واخري ...."لن اقول سيئة ولكن سأقول أقل جمالا" 

ر = "رنا" اعز صديقة ليا ف الشغل ....بحبها اووووووووووووووووي ...ربنا ما يحرمني منها بجد .....من الحاجات الكويسة اللي طلعت بيها من الشغل ده :) 

ز = زمان ....وانا صغير كنت بحلم ابقي كبير ....تعب القلب واتحير من الدنيا وم المشاوير واما كبرت قولت ياريت ما كنت حلمت ولا اتمنيت :) 

س = "سمر" بس مش سمر بنت الجيران ... قعدة سمر نتسامر فيها انا واصحابي :) محتاجاها جدااااااااااااااااااااااا بجد واعتقد هما كمان ;) 

ش = "شهد" هيكون ان شاء الله اسم اول طفلة ليا :) يارب ارزقني بيها 

ش = شروق ....كلمة بتدي الواحد احساس بالتفاؤل ....شروق الشمس ....احساس بالأمل ان في يوم جديد جه ع الواحد :) 

فكري يا منمن كويس اوي ...ايه خططك للشروق الجاي ;) 

ص = صديقة ....صداقة ....مفيش اسمي من الكلمة دي ...مشاعر بلا حدود :)  ربنا يخليكم ليا  <3 font="font" nbsp="nbsp">

ض = ضمير الناس راح فين ؟؟؟ 

ض = ضحايا كتير نتيجة موت الضمير :(

ط = طريق طوييييييييييييييييييييل .....ولسه ف اوله ...ساعات بقع ...ساعات بقوم ...ساعات بشوف ...ساعات بفقد رؤيتي ....بس لسه ربنا معايا ومش هيخذلني طول مانا واثقة فيه :) يارب 

ظ = "ظابط"  ...... الهم "ظابط" مواعيده بالثانية ....اول ما يلاقيني هبدأ اشم نفسي وافرح ....يجيي علي طول ويطلعلي لسانه ويقولي هاهاهاهاها ...اوعي تكوني فاكرة اني ممكن اسيبك  :)  سبت همي وروحت اتفسح جه ورايا وقاللي هأأأأو هو انا مكسح :D

ع = عشق ....القهوة .... ولا يوجد للحديث مجال هنا :) 

غ = غامضة اوي الدنيا كل ما نحس اننا فهمناها ....نطلع اننا ولا فاهمين اي حاجة :) 

ف = فيها اييييييييييييييه لو اتجننا يوم ....اتنين ...تلاتة....المهم منضرش غيرنا ;) ولا نفسنااااااااااااااااااااااااا طبعا ;) 

ق = قهوة مع حد بنحبه ....كفيلة لتغيير المود تمامااااااااااااااااااااااا ليوم كامل  ....قهوة مع نفسنا ف لحظة تأمل كفيلة لتغيير المود أيام ;) 

<3 :=":" font="font" nbsp="nbsp">

ق = قوس ...البرج بتاعي....برج المتألقين ...مش غرور...علي اد ما هو ثقة كبيرة جدا ف النفس 

ك = كتاب ....وقعدة علي الشط ...او ف البلكون بليل ...ونسمة هوا ..... بيحسسوني اني عايشة وقادرة اتنفس هوااااااااااا :) 

ك = كتابة .....وورق واقلام ......واغرق جوا الاحساس <3 font="font" nbsp="nbsp">

ل = " لسان "  محتاج يتقص ....عشان يتعلموا يتخرسوا :) 

ل = لبنان .....نفسي اروحها ....اشوف فعلا كلام الناس عن جمالها :) 

م = مدرستي الثانوي : وحشتيني اووووووووووووووووووووووووووووووووووووووي 

م = مهما كبرت صغير ...مهما عليت مش فوق 

ن = نونا ....نفسي في نونا صغنططة كده تكون مني ....اشيلها والاعبها .....ربنا يخليهالي في احلامي دايما لحد ما اشوفها حقيقة :) 

هـــ = هدوء نفسي.....عاوزة احس بيه كده لفترة ...اللهم ارزقني بيه 

هـــ = هيام ...كلمة حلوة اوي ومعناها حلو اوي ....وبحبها اوووووووووووووي 

هـــ  = ههههههههههه ...ضحكة بتتكتب علي الشاشات ملهاش اي علاقة بإحساس الضحك الحقيقي اللي بيهز الواحد :) 

و = وماله لو خسرت كل حاجة ورجعت تاني من الاول ...المهم ان خسارتك مجتش في حد من اهلك ...او في صحتهم او صحتك ....او  ف دينك :) صدقني غير الصحة والدين ....كل شئ بيتعوض :)  ابدأ من الاول :) 

ي = "يارب" بتريحني اوي لما بقولها :) يارب  

ي =  "يوسف" من كتر حبي في سيدنا يوسف ...قررت اسمي ابني التاني علي اسمه بإذن الله  <3 font="font" nbsp="nbsp">

*********************************