يعني ايه بتشتغل في كول سنتر؟؟!!
يعني ببساطة ....لو شيفتك الساعة 8 ...لازم تكون ف الشركة الساعة 7 ونص او 8 الا ربع بالكتير ...وده ليه بقي ؟؟؟
أقولكم ليييييييييييييييييييييه :D
عشان ببساطة لازم تكون ريدي عشان تاخد مكالمات ...الساعة 7 و59 ...عشان ببساطة ما ينفعش تبقي الساعة 8 او 8 ودقيقة ...عشان كده هيأثر علي درجات بتاعة الشهر :D
هنا ليا وقفة ف اني لازم اقول حسبي الله ونعم الوكيل ف مخترع البروسيس دي :)
يعني ايه بتشتغل في كول سنتر ؟؟!!
يعني ببساطة لو ضاع البريك بتاعك ف مكالمة ....احتمال كبير جدا ...ويكاد يكون احتمال مؤكد ان محدش هيعوضهولك :D الا ف حالة واحدة لو الموجود ع الشيفت ليدر ولد :)
يعني ايه بتشتغل ف كول سنتر؟؟!!
يعني مش هيخلوك تقوم من علي السماعة غير لما يغمي عليك ...او تبقي بتموت فعلا ...والرد الطبيعي اصلا في عملاء علي الدايركت .....وليا وقفة هنا بصراحة ......لازم اقول " محروقين العملاء ...ع السماعة....علي دي شغلانة اصلا " :D
يعني ايه بتشتغل في كول سنتر ؟؟!!
يعني لازم تنسي انك تطلب تروح الحمام ...الا ف حالة واحدة " لو ليك تيم ليدر ولد ...او لو اللي موجود ع الشيفت ليدر ولد اصلا"
ف الغالب الولاد بيحسوا جداااااااااااا بالحوار ده ...اي تيم ليدر بنت بتطلع عين الواحد علي اما بتخليه يروح ....ده ان مكنش الرد ...استني البريك بتاعك :D
ليا وقفة طويلة هنا ....بس المرة دي.....ربنا وحده هو اللي قادر :D
يعني ايه بتشتغل في كول سنتر ؟؟!!
يعني ببساطة يبقي عندك ميتنج بعد الشيفت عادي جدا .... ونتأخر بردو عادي نص ساعة بعد الشيفت .....مع ان المفروض ان مواعيد شغلنا 8 ساعات ونص ...يعني دقيقة زيادة ماينفعش اصلا نقعدها ...بس هنقول ايييييييييييييييه بقي .....:)
يعني ايه بتشتغل في كول سنتر ؟؟!!
يعني يجيلك عملاء مش محترمين ...ومستفزين ...وقلالة الادب..... والليدر يقولك هو مش بيشتمك انت شخصيا ؟؟؟ هو قصده علي الشركة ....شركة ايه وزفت ايه ؟؟؟
ومن الاخر حقك مش هيجيي ....عشان انت مش اغلي من العميل
خدها قاعدة ....انت ممكن يجيبوا غيرك كتيييييييييييييييير ....انما العميل اللي بيروح مش بيجيي :)
يعني ايه بتشتغل في كول سنتر ؟؟!!
يعني قرارات بتطلع ومش هياخدوا رأيك ....بس هيحاولوا يعملوا نفسهم بياخدوا رأيك ...علي اساس اننا بقينا ف عصر الديمقراطية :)
يعني ايه بتشتغل في كول سنتر ؟؟!!
يعني فجآة تلاقي نفسك في تيم تاني ...مع ناس تانيين ...مع تيم ليدر تاني ؟؟؟
يعني ايه بتشتغل في كول سنتر ؟؟!!
يعني لو حصلك مصيبة او اي ظرف طارئ....مش هتعرف تغيب اكتر من يوم ...عشان اليوم ده هيجيلك exception
مع انه من حقك ...بس اصل العملاء والسيرفز ليفل ....يا راجل تتحرق المهم العملاء
يعني ايه بتشتغل في كول سنتر ؟؟!!
يعني مش هتتقدر مهما تعمل للشركة ..... وهيحسسوك ان عادي جدا كل اللي انت بتعمله .....يعني من الاخر .....شوفلك شغلانة تانية :D ومتقرفناش :)
يعني ايه بتشتغل في كول سنتر؟؟!!!
أسباب كتير جداااااااااااااااااا...طبعا انا مكتبتهاش كلها خلتني افكر جديا ف الاستقالة
مع "حسبي الله ونعم الوكيل في الاخر"
************************************
هناك 20 تعليقًا:
هههههههههههههههههههههه والله مع اني اتبسطت جداااا من وصفك التحففة..
وغيرتي فكرتي خالص عن اللي بيشتغلوا ف الكول سنتر..
بس يلا..ربنا يكون ف عونك وتلاقي شغلانة احسن...
الف تحية مني ليكي
Search for another job otherwise will lose your mentality, I told you that before but you still naughty
amina :
بجد اسعدتيني بردك جدا
اه والله يا جميل بنتعب
بس هنعمل ايه بقي
اكل العيش مررررررر ومحدش بياكلها بالساهل
الجميل ان فكرتك اتغيرت عن الكول سنتر
بس الاجمل اني اعرف هي ايه كانت فكرتك عنه ;) ؟؟؟؟
التحية مني ليكي انتي يا سكر علي ردك اللي اسعدني جدا
بجد شرفتيني
Mr. Ahmed....Thanks :)
You're welcome
بقلب ف تدويناتي القديمة
ولقيت التدوينة دي
مش مستوعبة اني ف يوم م الأيام اشتغلت خدمة عملاء
منكرش انها كانت خبرة كويسة وقدرت انزل مجال الشغل بعد كده وانا عارفة يعني ايه مسئولية شغل
بس اللي استغربته اني لما قريت الكلام ده..لقيت نفسي ناسية كل التعب ده...
معني ذلك اني ف يوم من الايام هنسي الآلام اللي بقول اني عمري ما هنسي..
يارب هون
بس كانت ايام حلوة :-)
بقلب ف تدويناتي القديمة
ولقيت التدوينة دي
مش مستوعبة اني ف يوم م الأيام اشتغلت خدمة عملاء
منكرش انها كانت خبرة كويسة وقدرت انزل مجال الشغل بعد كده وانا عارفة يعني ايه مسئولية شغل
بس اللي استغربته اني لما قريت الكلام ده..لقيت نفسي ناسية كل التعب ده...
معني ذلك اني ف يوم من الايام هنسي الآلام اللي بقول اني عمري ما هنسي..
يارب هون
بس كانت ايام حلوة :-)
كنت رايح اشتغل كول سنتر بس بعد الكلام ده مش هروووح 😂😂😂
كنت رايح اشتغل كول سنتر بس بعد الكلام ده مش هروووح 😂😂😂
طيب كل دا لو انتي هتشتغلي كول سنتر في شركه ...طيب لو انتي كول سنتر من البيت ...8 ساعات ايه الرد ؟؟!
بيكون حلو جداا
بس معقول يكون فى كول سنتر من البيت ..بصراحه حابه اشتغل من داخل البيت لكن المشكله انى بخاف من النصبات والاحتيالات ..لو فى حد عنده خلفيه اتمنى يفيدنى
طيب انا عايزه اشتغل من البيت يا تري حلو ولا
جماعة هو ايه اصلا طبيعة العمل دا
عايزه اشتغل
طب لو هشتغل من البيت ايه النظام أو المشاكل ممكن افادة؟؟؟؟
فى واحد انتحر شغال فى كول سنتر
ودا يوضح فعلا المنشور دا مهم اد ايه الأرزاق على الله متشتغلش شغل تكون فيه نهايتك رحم الله الموظف المنتحر نور عاشور وانا لله وإنا إليه راجعون
كلامك مظبوط الله يرحمه ويغفر له وينتقم من اللى كان السبب
هو لازم لغة ولا عادى
إرسال تعليق