طبعا هتستغربوا انا ليه سميت المدونة بالاسم ده
بس من غير ما تستغربوا هاقولكم:
كرسيين دليل علي ان في اتنين قاعدين مثلا وهيتكلموا
بس هما مش اتنين لان اللي موجود كوباية شاي واحدة
عبرت بالاسم ده لاني حاسة اني عاوزة افضفض
يعني اغلبنا لما بيحب يفضفض يحب يكون لوحده
عشان لما يفضفض ..... يفضفض علي راحته من غير
ما حد يقاطعه ويقوله اي حاجة
ودي كانت سبب تسميتي للمدونة بالاسم ده
حسيت بجد انه عبر عن اللي كنت عاوزاه فعلا
كنت بافكر اسميها فضفضة بس بجد الاسم ده حاسة
انه عبر صح عن اللي جوايا
يمكن الصورة مش معبرة اوي بس اقرب صورة لاقيتها عندي
علي الجهاز
وهي دي كانت اول حكاية مع كرسيين وكوباية شاي........
هناك 8 تعليقات:
السلام عليكم يا منمن
الف مبروووووووك المدونة بتاعتك
وان شاء الله تبقى مليانة حاجات حلوة
ربنا يوفقك
شكرا يا همس
ربنا يخليكي ليا يارب
اممممممممممممم
حلو حلو الاسم جميل و مشوق ..
هبقى اعدى عليكى أشرب كوباية الشاى و اعد على الكرسى التانى ...
و فضفضى ياستى براحتك كلنا آذان صاغية..
بداية موفقة بإذن الله
دمتى بود ..
تقبلى مرورى ..
yasmina
thnx yasmina
مرورك اسعدني بجد
gmel ya monmon kmly yala
w shkl el kobaya lzez w 3awza ttshrb:D
السلام عليكم
على فكرة أنا بهنيك على المدونة.
فكرتها حلوة و بهنيك على إختيار الإسم
فعلا سعات الواحد بيبقى عايز يفضفض و لكن مش لاقى حد يفضفض معاه.بس المشكلة الأكبر إن الحد ده يكون موجود و إنت اللى مبتحبش تتكلم أو تفضفض مع أى حد مهما كان. هل عندك حل لطبيعة هدا الشخص؟ (طبعه الكتمان فى أغلب الحالات إن لم تكن جميعها)
بكره القراءة ورغم ذلك قراءت مدونتك بجد اسمها يشد اوى اوى اوى وطريقه سردك للاحداس جامد جدآ وصورك المعبرهبتخلى الواحد يعيش التخيل كانه حقيقه ربنا يوفقك
شاعر غنائى مش معروف
إرسال تعليق