بنتي شهد ...حاسة انك وحشااااااااااني اوووووووووووي بجد
الله اعلم هشوفك ف يوم ولا لاء...بس مش عارفة
حاسة اني نفسي اشوفك اوووووووووووووووي
نفسي احضنك جداااااااااااااا...احساس حلو اوووووووي
احساس الامومة....بجد احساس يستاهل ان الواحد يضحي
عشانه بحاحات كتيييييييييييييير
لأي حد ميعرفنيش....انا مش مرتبطة ولا متجوزة
بس حلم عندي احساس الأمومة....ان شاء الله
بثقتي ف ربنا...هيرزقني بالحلم ده
******************************
لكل واحدة وواحد بيقولوا الموضوع ده مش ف دماغي
ع الحب او الارتباط او الجواز....سيبوا الحياة تمشي
متحكموش ولا تقولوا قرارات...لانكم مش عارفين
بكرة مخبي ايه.....ممكن اووووووووووووي
نصيبكم يجيي ف لحظة غريبة تبقي ولا علي
بالكم .....تكونوا بتقضوا مصلحة ....تكونوا
ف فرح....تكونوا عند قرايبكم....تكونوا ف اي مكااااااااااااان
وممكن يطلعلكم ف تدوينة :D
******************************
احلي حاجة ف الحياة اصلا وجود شخص ف حياتك
يهتم بيك...يسأل عليك....يخاف عليك....حياتك
تتملي بيه....احساس حلو...انك تبقي فجآة كده
بقيت مشغوف بشخص ما ....مش عارف لا ازاي
ولا امتي....ولا ايه اللي حصل....بس كل اللي تعرفه
ان الشخص ده بقي حاجة ف حياتك...مش مهم بقي
مين ف حياتك...بس بقي له مكانة ف حياتك
دعوة حقيقية : ربنا يرزقني بالزوج الصالح
وإياكم يااااااااااارب سواء شباب او بنات ..بس الشباب
زوجات صالحات بقت .
كل اصحابي المرتبطين او المتجوزين....فعلا اثبتولي
ان احساس الحب ده بجد يستاااااااااهل...احساس ان
في حد معاك وف حياتك احساس رااااااااااااااااائع
ربنا يباركلكم جميعاااااااااا .
*******************************
رمضان بيخلص :( حاسة انه هيبقي فانحة خير علينا
ف حاجات كتيييييييييير...علي مستوي العالم...علي مستوي
مصر...علي مستوي حياتي....علي مستوي حياة ناس كتير بحبهم وبدعيلهم
وأولهم أهلي....علي مستوي حاجاااااااااااااااات كتير
ياااااارب لا تردنا خائبين.....يارب ارشدني وارزقني بنور البصر والبصيرة
****************************
في حاجات تتحس ومتتقالش ;)
وعشان متتقالش وهتبقي احلي لو سبتها كده ومحددتهاش بوصف
ف انا مش هقول....بس كل اللي هقوله
اني مرتاحة اوي ومبسوطة اوي
ويااااااااارب يديمها نعمة يارب
يااااااااااااااااااااارب
******************
هناك 8 تعليقات:
ياااااااااااااااارب اشوفك يا شهد ..وتلعبى مع بنوتى كمان وتحبيها اوووووووووووى زى ما انا بحب مامتك اووووووى وتبقوا اكتر من اخوات..واصدقاء العمر كلة باذن الله..
انا كمان بحلم باليوم دة ..
ربنا يكرمك يا احلى منمن فى حياتى وتشوفى شهد واخواتها كمان..
ربنا يرزقك بالزوج الصالح والذرية الصالحة ..اللى تكون قرة عين لكى ولة..وتفرحى ..وتفرحى كل اللى حواليكى اولهم اهلك ..ثم انا طبعا..وكل الناس اللى بيحبوكى..
انا حاسة برضة ان رمضان دة مختلف..والسنة دى غير اى سنة ف حياتى..الحمد لله..
بحبك يا رفيقة دربى.
شهوده حبيبتى يارب اشوفك بنوته عسل كده زى مامتك وتلعبى مع دانا وألمى بناتى ان شاء الله فى المستقبل القريب :)
منمن بجد كلامك حسيته اووووووى وسبحان الله حاسه ان رمضان هيكون فاتحة خير علينا كلنا ربنا يوفقنا فى حياتنا ويرزقنا ازواج صالحين ....انا حسيت كلامك اوييييييييي بجد معرفش ليه وبالذات فى الوقت ده
مش لاقيه كلام اقوله ايمى بصراحه قالت كل حاجه وانا طبعا مفيش جدال على كلامها وربنا يسعد لنا ايامنا يا بنانيييييييييييت
ربنا يرزقك بالزوج الصالح ياااارب ويتحقق عندك احساس الامومة ...بس وقتها متزعليش لو جالك ولد وممكن تسميه شهادة بردوا ...اسم جديد لسه بكيسه اهوة :P
***
المهم يبقى الواحد متأكد انه جاى بجد مش مجرد اعجاب ولا تعود ...لان ساعات كتير بنتلخبط ومش بنحكم صح :)
الا صحيح هى امنية بتحب حد ؟؟ ;)
***
احساس اصلا خرافى ان حد يكون محور حياتك ...بتفرحى لفرحه بتزعلى لزعله...بتتشاركوا ابسط الاهتمامات بتاعتكم ...ربنا يخليلك الحد ده ولا يحرمك منه ولا يحرمه منك ان شاء الله ;)
***
رمضان جه بالبركة السنة دى فى حاجات كتير ...كفاية انه عرفنى بشخصية حلوة اوى اوى اوى...رغم ان الشخصية دى لسه صغيرة وبتحبو فى الحياة :D بس بقت حاجه حلوة اوى عندى ..بس خايف انا وخوف مبرر كمان :( ...اكيد لو ليا خير ربنا هيقربهولى باذن الله :)
***
هيجى عليكى وقت وتقوليها :D عادى يعنى محدش بيخبى حاجه للابد ...بس زى ما بقولك المهم تبقى متأكده من الحاجه دى بجد ..ابعدى عنها فترة لو احساسك زى ماهو ارجعى لو قل او اتغير يبقى كان انذار خاطىء ;)
نايس بوست سعادتك ^_^
إيمي.....احلي حاجة بجد ...ان بنتي ..وولادي كلهم هيبقوا محظوظين...كل الناس بيبقي ليهم أم واحدة...انما ولادي وولادك ليهم اتنين :)
ياااااااااارب كل الدعوات الحلوة دي تبقي من نصيبنا احنا الاتنين آآآمين يارب
يارب نخرج من رمضان معتوقين يا ايمي ...ويارب يبقي فاتحة خير علي كل المسلمين يارب :)
ساسو : ان شاء الله اطفالي واطفالك يبقوا اصحاب وحتي لو مبقوش زينا ان شاء الله يشربوا تربية صالحة مننا يارب :)
ياااااااااارب يبقي فاتحة خير عليكي يا قمر
سبحان الله يا سارة..بنلاقي ناس بنقول كلام وبيلمسنا اوووووووي من جوانا يمكن عشان نفس الظروف ...نفس الحياة...نفس المشاعر
ربنا يخليكي ليا علي كلامك السكر ده يارب
يااااااااااارب يا سارة يسعدلنا ايامنا يارب
safa7 karomz
آآآمين يارب ربنا يرزقنا الاحساس ده
وان شاء الله اذا جبت ولد هسميه خالد :)
بنتلخبط ...ومش نحكم صح..عشان بنحكم مشاعرنا اولا واخيرا...لازم نختار علي اساس مظبوط...المشاعر مهمة ومهمة اوي ...والعقل مهم...مينفعش نقول احنا بنحب وكل شئ مع الحب يهون ...كده ده يبقي اسمه مانجا :D
يارب يا محمد ميحرمنيش من الحد ده ...لما ربنا يرزقني بيه فعلا ;)
اكيد الحب شئ اساسي ف حياة الانسان...وطبعا انا بحب كل الناس اللي ارتضيت انهم يفضلوا ف حياتي وبقيت عليهم عشان يكملوا معايا وبعمل كل ما في وسعي عشان نفضل سوا
ادعي كتير لو خير ليك يقربك من الحاجة دي ...بس يا محمد متحكمش علي حد ابدااااا انه شخصية بالروعة دي ...لانك صدقني مهما عرفت اللي قصادك مش هتقدر تعرفه اووووووووي
مش لعيب فيك
انا في اتنين ف حياتي كنت شيفاهم ملايكة ع الارض وكنت بتعلم منهم حاجات كمان...والوجع والصدمة والخيانة مجتش غير منهم :)
حاول تسيب مساحة ف ذهنك ان الشخص ده ممكن يبقي غير اللي انت شايفه
وخصوصا انك بتقول ان الشخصية دي انت عرفتها لسه ف رمضان ;) ...طبعا انت ادري ..بس كانت مجرد نصيحة عشان مش عايزاك تتعب :) ;)
بس قولي خايف من ايه ؟!!! وايه مبرراتك؟!!!
تفتكر لو بعدت هعرف؟؟؟
ياتري هيجي يوم فعلا واقولها ولا هتدفن زي
"حااااجااااات كتيييييييييير"
اندفنت قبلها :)
ثانكس علي ردك ورأيك ف البوست
المهلبية ظبطتت ;)
بالهنا والشفا ;)
خايف انى ملاقيهوش جمبى فى يوم ...
مبرراتى كتيرة اوى بقى :)
لكل فعل رد فعل يا محمد
واللي عرفته ف حياتي ان اللي عاوز حاجة بيعملها
بيتقتل عشان يوصلها...حتي لو موصلهاش ...بيبقي من جواه مرتاح انه عمل اللي عليه وزيادة شويتين تلاتة
يا محمد ...الناس كلها اجمعت ان أمنية عزمي بتعمل كل اللي بتقدر عليه عشان تحافظ علي اصحابها...يمكن مكنش كده ..ويمكن يكونوا هما شايفين كده فعلا عشان بيحبوني...بس صدقني صدقني صدقني...انا مش بسيب فرصة لبكرة...بعيش النهارده كأنه اخر يوم...عشان مندمش...مش معني كده اني ملاك
آه ساااااااااااعات كتييييير بقصر...بس اول لحظة بتيجي بشرحلهم...بس مش معني كده اني بنفض تماما ف تقصيري...في حاجات بسيطة اوي بتحصل تخليك تتمسك باللي قصادك وتوصله انك متمسك بيه
لو عايز الحاجة دي بجد...صدقني لو اتمسكت بيها هتلاقي رد فعل...وممكن رد فعل يبهرك...بس انت ابدأ بخطوات...ميبقاش كلام وبس...الخوف لوحده مش هيعمل حاجة
لو كل حد خاف من انه يعمل حادثة عمرك عمرك عمرك ما تشوف حد ماشي ف الشارع
ولو كل حد خاف من انه يتعور من الشوكة اللي ف نهاية الوردة...عمرك ما هتلاقي حد بيقدر قيمة الورد ...ولا بيعرف يميز بينه وبين اي حاجة تانية قيمتها اقل كتييييييير اوي من الورد
خليك انت جمبه...مش يمكن يبقي عايز يبقي جمبك ...ومستني منك اشارة :)
تقبل مروري :)
إرسال تعليق