يوميات موظفة ف خدمة العملاء ......طبعا لا أخفي عليكم سرا ....كمية حرق الدم اللي بنقابلها كل يووووووووووم
بس اخر اليوم لما بنفتكر المواقف دي ....بننهار من الضحك
دي هتبقي يوميات كده .... الضحك هيبقي للركب :D
أنا : greeting
العميل : سلام عليكم
أنا : وعليكم السلام ورحمة الله وبركاته اتفضل يا فندم
العميل : عايز اخصص رقم مفضل بس مابعرف كيف
أنا : هساعد حضرتك حالا بس ممكن اتشرف باسم حضرتك
العميل : اديكي الرقم
أنا : اتشرف باسم حضرتك يا فندم ف البداية
العميل : الرقم هو 0987654345678905678999999
أنا : يا فندم عاوزة اعرف اسمك ...عاوزة ارحب بيييييييييييييييييييك
العميل : ايووووووووووووووووا ....محمد
أنا : اهلا وسهلا بحضرتك استاذ محمد ...استفسارك علي نفس الرقم اللي بتشرفني بالاتصال منه
العميل : اه انا بتصل بالرقم
أنا : يا فندم سؤال حضرتك بخصوص الرقم اللي بتكلمني منه
العميل : عايزة الرقم اللي هخصصه
أنا يا استاذ محممممممد ...حضرتك هتخصص الرقم علي الرقم اللي بتكلمني من عليه
االعميل : ايوااااااااااا
أنا : تمام حضرتك تقدر تخصصه عن طريق كذا كذا
العميل : يعطيكي العافية
أنا : closing
________________________________________________
أنا : greeting
العميل : انا عندي مشكلة ف الفاتورة ...وعاوزة اقدم شكوي
أنا : هساعد حضرتك بس ممكن اتشرف بالاسم
العميل : "الدكتور وليد "
علي أساس ايه الدكتور وليد ...محسسني اني هناسبه
أنا ...بس السؤال عن الرقم والترحيب
بستئذن حضرتك اعتراض حضرتك علي ايه بالظبط ف الفاتورة
العميل : الفاتورة كلها
أنا : يا فندم ممكن حضرتك توضحلي بالظبط عشان اقدر اساعد حضرتك
العميل : ماهي الفاتورة مش ف ايدي دلوقتي
أنا : في سري طبعا ...ولما هي مش ف ايدك متصل بيا اهبب ايييييييييييييييييه
أنا : تمام يا فندم ....حضرتك تقدر تشرفنا بالاتصال مرة اخري لما تكون الفاتورة متاحة مع حضرتك وهنساعد حضرتك
العميل : ماشي يا ستي
أنا : closing
___________________________________________________________
أنا : greeting
العميل : يتكلم لغة غريبة واكتشف ف الاخر انه سوداني ...وانا مش فاهمة حاجة
أنا : عفواااااااااااااااا ...وطبعا رنا صاحبتي ممكن تكلمكم باستفاضة عن ازاي انا بقول عفوا دي
العميل : يتكلم ويتمتم بكلمات غير مفهومة وبحاول ألقط هو عايز ايه ...
أنا : بلقط انه مش عارف يعمل مكالمات
هساعد حضرتك بس ممكن اتشرف بالاسم
العميل : الخط مش باسمي
أنا : طب ممكن اتشرف باسم حضرتك
العميل : وائل
أنا : بعد الترحيب وكل حاجة
اوضح لحضرتك ان الخط مفيهوش رصيد عشان كده حضرتك مش عارف تعمل مكالمات
:D
العميل : يعني لو شحنت هعرف اتكلم
أنا : تمام يا فندم باذن الله
العميل : طيب شكرا
أنا :closing
دي كانت عينة والبقية تأتي
ليست هناك تعليقات:
إرسال تعليق