يوميات موظفة ف خدمة العملاء كلاكيت تاني مرة

 استكمالا لليوميات ....نكمل بقي :) 

أنا : greeting 

العميل : سلامو عليكم 

أنا : وعليكم السلام ورحمة الله وبركاته 

العميل : انا لما بشحن مش بيجيلي رصيد مجاني 

أنا : بعد ما رحبت بيه وكده 

طبيعي يا فندم لان حضرتك علي الباقية الدولية ...مفيهاش ميزة الرصيد المجاني 

العميل : يعني عشان انا مخصص رقم دولي ...مش بيجيلي الرصيد 

أنا : لاء يا استاذ ابراهيم ...الباقة تبع حضرتك مفيهاش خاصية الرصيد الاضافي 

الرصيد الاضافي ف باقة اخري يا فندم 

العميل : يعني لو شيلت الرقم الاضافي هينزلي الرصيد الاضافي 

أنا : يا استاذ ابراهيم الرقم الدووووووووولي ملووووووووش علاقة بالرصيد 

حضرتك شيلته حضرتك عينته ...ملوش علاقة 

حضرتك الباقة نفسها مفيهاش الميزة...اي استفسار اخررررررر 

العميل : يلا يلا ....(بمعني لاء  او انجزي او خلاص عندهم عشان سوداني ) 

أنا : يلا فين يا فندم :D 

العميل : هه

أنا : closing 

_______________________________ 

أنا : greeting 

العميل : ايووووووة ....انا لما بكلم السودان بيخصم مني 

أنا : بعد الترحيب والحركات ...عفوا يا فندم ماهو طبيعي يتخصم امال حضرتك عاوز تكلمها مجانا :D 

العميل : ايوة بس بيخصم مني 

أنا : لحظات معايا يا فندم ع الانتظار

العميل : ابشري ابشري  (العميل سوداني ...معني ابشري عندهم يعني اوكي ) 

أنا : ابشر بـــ ايه يا فندم 

العميل : منتظرررك 

أنا : تمام يا فندم 

وحليت المشكلة و closing 

______________________________________

كفاية عليكوا كده احسن تتوهجوا ...بتعطيش الجيم ( يعني تتخضوا بالمصري :D ) 

الله يعطيكم العافية 

______________________________________

انا مشكلتي ...اني مبعرفش معلقش ...لازم لما حد يقول حاجة ...اعلق
مش بعرف اتخرررررررس ...بس بعلق ف حدود الاحترام والادب :D