كلام وكلام وكلام...ولســـــــــه بنتعلم

البوست ده عبارة عن حديث دار بيني وبين انتيمتي ...حسيت لسبب او لآخر اني لازم انزله ....يمكن عشان يبقي حاجة ارجعلها ف وقت ما احتاجه....يمكن عشان كان لازم يتسجل...يمكن عشان اول حديث بينا اول ما تميت ال 21 ...معرفش ...بس حسيته لازم يتكتب زي ماهو:
وإليكم الحديث :

amy : منمن
omnya: حبيبتي
عاملة ايييييييييييييييه

amy : روح قلبى
الحمد لله تومام..انتى اية اخباراتك
وعمو عامل اية دلوقتى
omnya: الحمدلله ه
amy : كل سنة وانتى طيبة يا قلبى
omnya: وانتي طيبة
amy : عملتى اية يا صغنونة...فى اول يوم ليكى فى الحياة...بعد ال21
omnya: امممممممممممممممم
: احاسيس كتير
amy : زى اية
omnya: كنت بكلم سارة النهارده ف الحوار ده
كنت بقولها بجد
معدش عندنا وقت
لازم ناخد بالنا
من حاجات كتير
تصرفاتنا
معدش عندنا وقت نجرح حد ونداويه ونبينله قصدنا
معدش عندنا وقت ننجرح ونداوي نفسنا
لازم نخلي بالنا من نفسنا
لازم نخلي بالنا
ان اللي هيروح مش هيرجع
قولتلها انا سني الحقبقي 21
بس تساليني بجد سني كام
هقولك 25
2010 اضافتت لي كتيييييييييييييييييييييييييييييييييييييير
اه كانت عكس توقعاتي
بس ادتني ناس كويسة
بعدت عني ناس مينفعوش يبقوا معايا بشكل او باخر
حطتني ف اازمات عرفت منها بعدين انها كانت منح
حاجات بتقويني للي هبحصلي قدام
علمت فيا كتير
وعلمتني اكتر
اتبهدلت اه
اتجرحت واتوجعت واتقهرت
آآآآآآآآآآآآآآآآآآآآآآآآآآآآآآآآآه
بس قوت ضهري اوي
عيطت لحد ما العياط خلص
وانا واثقة اني هفرح بعدين
عرفتني مين معايا بجد
ومين عاوزني وقت جرحه
ومين معايا ومين عليا ومين معايا قصادي ومن ورايا ومين عليا من ورايا
كتيييييييييييييييييييييييييييييييييييييييييييييييييييييييييييير بجد
حاجات كتير اوي عرفتها واتعلمتها
ومازلت بقول

ولسسسسسسسسسسسسسسسسسسسسسسسسه
ولسسسسسسسسسسسسسه اوي
ولسه مستخبي حاجات اكتر
ولسه في احزان واوجاع
ولسه في بهدلة ومرمطة
دي كانت البداية
اه كانت قوية شوية
بس ده عشان بعدين
عشان نستحمل
amy : يااااااااااااااااااااااااااااااااااااااااااااااااااااااااااااااااااااااااااااااااااااااة
omnya: مش بقولك احاسيس كتير
انا واثقة من ان تعليقك هيكون كلمة واحدة
(كبرتي اوي يا منمن)
amy :اااااااااااااااااااااااااااااااااااااااااااااااااااااااااااة
فعلا
اقولك حاجة بس تعقيب على اللى انتى قولتية
bossycat_omnya: اه اوكش
طبعا
amy : احنا فعلا لسة هنتبهدل..ولسة هنتمرمط
بس عشان نرتاح بعد كدة
الدنيا مش بنتثبت على حال
وكمان ربنا عزوجل بيقول..انك كادح الى ربك كدحا فملاقية
omnya: ايوة طبعا
amy : ولا واية كمان ان مع العسر يسرا..يعنى مش بعدها..لا معاها..بس ربنا عايز يأدبنا ممكن عشان نوعى اللى هيجى بعدنا ..وما يغلطوش غلطاتتنا...
فبلاش اللون الاسود يكون سائد عندك..فى الوان حلوة جدااااااااااااااااا
omnya: اكيد
مقيش لون اسود
بس في علامات
amy : الألوان موجودة...بس عايزاكى تشوفيها...
omnya: عارفة اللي هو حصلت جوايا علامات كده
كل ما اجي اغلط
بفتكرها
ف بعرف انا اتوجعت اد ايه من غلطي ده
: قبل كده
ف لازم معملش غلطي ده تاني
amy : اةةةةةةةةةةةةةةةة..فعلا..تصدقى انى بحس بكدة فعلا
صح
omnya: العلامات دي قوة مش ضعف
amy : بس نشوف الوجة المضئ للقمر....
omnya: مش حاجة نداريها ونخبيها
amy: طبعا....
omnya: حاجة كده
هنقولها لاولادنا...للاجيال اللي بعدينا...هنقولهم احنا اتعلمنا ايه وعرفنا ايه ونسينا ايه وحبينا ايه وحققناايه وحاجات كتير اوووووووووووووووووي
amy : يااااااااااااااة...يا منمن...تعرفى انى بقيت حاسة انى كبرت فعلا
وانى لازم اخد بالى من كل كلامى ..وتصرفاتى..مش عشانى بس..لا عشان اسراء ومحمد اخواتي ...اللى بيقلدونى..على اعتبار انى اختهم الكبيرة
بس بغلط غلطات قاتلة
ماتنفعش انى اغلطها ..وارجع واقول لا..احسن فيما ياتى يغفر ما قد سبق
وان شاء الله اتعلم ..واعلم ..بس لاننا فعلا مسؤلين عن حياتنا
omnya: اه
كبرنا اووووووووووووووووووووي يا ايمي
amy : بس...وادينا بنتعلم...ومش هنبطل نتعلم ابداااااااا
مش اووووووووووووووووووووى
omnya: اكييييييييييييييييييد
صدقيني اوي
amy: على اللى احنا شوفناة...يعتبر زى ما قولتى 25
واكبر
omnya: 25 علي اد اللي شوفنا
amy : بس احنا لسة الحمد لله اصغر..وبخبرة اكبر
omnya: الحمدلله
وده
الجانب المملوء من الكوب
amy : بالظبط
omnya: ينفع ابقي اخد حديثنا ده انزله ف المدونة؟
amy : ولذلك..مش عايزين لحظة تمشى من غير ما نعرف جديد..عن اى حاجة وكل حاجة
amy : احم
bossycat_omnya: وده اتفاقي معاكي من سنين
سنين بجد
واحنا ماشيين عليه
amy : طبعا يا منمن خديه وحطيه
تماااااااااااااااااااااااااام...عملية تحفيزو دايما بنفكر بيها بعض ...

قصاقيص كلام بس تمام

كنت بدور ف المكتب ع الاجندة بتاعتي ...واذ فجاة لقيت كشكول...انا فاكرة اني كنت بستخدمه من سنة تقريبا ...وبعدين قولت لما افتحه ...لقيت فيه كلام كتير بس كلام عجبني ...بعضه واخده من كتب...والبعض الاخر انا اللي كتباه...بس قررت انزله زي ماهو ....مبدأيا الكلام ملوش علاقة ببعضه....ف الغالب اي حاجة كانت بتيجي علي بالي بكتبها واي حاجة كانت بتعجبني بكتبها...اعتقد ان الحاجات اللي بتعجبني دي كنت واخداها من كتاب حياتك احلي للكاتب اشرف شاهين لاني كنت بقراه ف الفترة دي ...هسيبكم بقي مع المكتوب ف الكشكول :

*اتعلمت ان النية اساس كل شئ .
*أحلي حاجة ف الدنيا لما تتصالح مع نفسك ...وتحسن الظن بالله وتبقي علي يقين انه هيقدرلك كل اللي بتتمناه وان شاء الله هيبقي خير ليك.
*يجب ان اجعل لنفسي يوماً وارفع فيه شعار"يوم لن يقدر عليه غيري" (من الكتاب).
*انتصر ف التحديات الصغيرة..فعلي سبيل المثال...عندما يدق جرس المنبه قُم مباشرة دون تردد او تأجيل.(من الكتاب).
*نظرية اكثر قليلا....افضل قليلا....مبكرا قليلا.
*لا اله الا انت سبحانك اني كنت من الظالمين.
*أريد ان احيا بالحب ...الحب الذي يعبر عن حالة ولا يعبر عن علاقة...الحب الذي يعبر عن صفة ولا يعبر عن موقف..الحب الذي لا يمثل رد فعل وانما يمثل الفعل الذي لا ينتظر الرد.
الحب الذي نعبر عنه بالأفعال لا بالأقوال...
الحب هنا سيكون الحب الشامل الذي يحب صاحبه كل شئ ...يحب ربه...يحب نفسه...يحب القيم الجميلة والمثل الرفيعة....يحب عمله...اهله...الآخرين....الطبيعة...الي ان يجد نفسه يحب الحب لذاته.

*اتعلمت اني مقطعش القرآن ابداً...اقرأ كل يوم مهما حصل حتي ولو صفحة واحدة.(ربنا يهديني ويثبتني اللهم آمين).
*احلي حاجة ف الدنيا لما تعرف انك عند انسان معين حاجة كبيرة اوووي وغالية....وانك عنده لا يمكن تتقدر بتمن ...يا سلام كمان اذا ربك كرمك به هتبقي اسعد انسان ف الدنيا....يارب كل حاجة فيها الخير قربها مني يارب :)

*نفسي اعمل ماستر ف حاجة تبع التنمية البشرية .

_من وثق بالله أغناه ...ومن توكل عليه كفاه .(من الكتاب).
_قل للذي يدعو ف العلم فلسفة...قد عرفت شيئاً...وغابت عنك اشياء.(من الكتاب).
_الانسان الناجح هو الذي يغلق فمه قبل ان يغلق الناس آذانهم ويفتح آذنيه قبل ان يفتح الناس أفواههم...(من الكتاب).
_لا داعي للخوف من صوت الرصاص ...فالرصاصة التي ستقتلك ...لن تسمع صوتها.(من الكتاب).
_شرار الناس صنفان: عالم يبيع دينه لحاكم...وحاكم يبيع آخرته بدنياه.(من الكتاب).
_سر النجاح ف الحياة ان تواجه مصاعبها بثبات الطير في ثورة العاصفة .(من الكتاب).
_إن معي ربي سيهديني.(من الكتاب).
_Just Be Yourself.
_لاتبكي يا نفسي علي شئ بعد الذهاب ...وانت تملكين كل شئ وستذهبين بلا إياب.(من الكتاب).

_أنت احوج من ان تستفيد مما علمت ...من ان تعلم ما جهلت.(من الكتاب).
_علمت ان رزقي لم يأخذه غيري فاطمأن قلبي ...(من الكتاب).
_إن بعد العسر يسرا.
_قد يكون اكثر الاشياء ثباتاً ف النظر...اكثرها اضطرابا ف الواقع...(من الكتاب).

انا عايزة احس معاك اني مخلوق ضعيف!!!!

زهقت من قولة دي بنت بألف راجل

أنا عايزة احس اني معاك
مخلوق ضعيف
وأني فعلا بأنتمي
لجنسي اللطيف
أحميني من حزني
و من احساس مخيف

طول النهار مكشرة و واخداها جد
ولامة شعري علي ورا
و مش شايفة حد
و الدنيا حر موت
و انا مليانة برد
وكل ده علشان يادوب اعدي الرصيف

ماعادش في الشارع شجر بيرمي ضل
و كل يوم حاجات تضيع و حاجات تقل
و أنا خلاص ما أعرفش ليه بقيت أمل
وأعذرني لو كان الكلام مر و سخيف


لـــــــــ
علي سلامة

كتمان ثم انفجار

كل الذين يكتمون عواطفهم بإتقان .. ينفجرون كالسيل إذا باحوا

لـــــــ
غادة السمان

(انا عارفة اني هفضل اقول انا عاملة كونترول

عاملة كونترول....والاخر هتصدم بوجود شلال عاطفي خارج مني...والصدمة الاكبر...في............................ )

كن صديقي..كن صديقي..كم جميل لو بقينا اصدقاء"just for you"

كن صديقي.
كن صديقي.
كم جميل لو
بقينا أصدقاء
إن كل امرأة تحتاج
أحياناً إلى كف صديق
..وكلام طيب
تسمعه..
وإلى خيمة دفء صنعت من كلمات

فلماذا يا صديقي؟
.لست تهتم بأشيائي الصغيرة

كن صديقي.
كن صديقي.
إنني أحتاج أحياناً لأن
أمشي على العشب معك
..وأنا أحتاج أحيانا لأن اقرأ ديواناً من الشعر
معك..
وأنا – كامرأة- يسعدني أن أسمعك.

إنني أحتاج
كالأرض إلى ماء الحوار.
فلماذا لا ترى في معصمي إلا السوار ؟
.ولماذا فيك شيء
من بقايا شهريار؟

كن صديقي
.كن صديقي.
ليس في الأمر انتقاص للرجولة
غير أن الرجل الشرقي
لا يرضى بدورٍغير أدوار البطولة.
فلماذا تخلط
الأشياء خلطاً ساذجاً؟

إن كل امرأةٍ في
الأرض
تحتاج إلى صوت ذكيٍ وعميق
.وإلى النوم على صدر بيانو أو
كتاب

كن
صديقي.
كن صديقي.
أنا لا أطلب أن تعشقني

لا ولا أطلب أن
تبتاع لي يختاً.
.وتهديني قصورا.
.لا ولا أطلب أن تمطرني عطراً فرنسياً

وهذه الأشياء لا تسعدني
..فاهتماماتي صغيرة
وهواياتي
صغيرة
وطموحي .. هو أن أمشي ساعاتٍ
.. وساعاتٍ معكْ.تحت موسيقى
المطر

وطموحي، هو أن أسمع في الهاتف صوتكْ
..عندما يسكنني الحزن
...ويبكيني
الضجر

كن صديقي
.كن صديقي
.فأنا محتاجة جداً لميناء
سلام
وأنا متعبة من قصص العشق
، وأخبار الغرام
وأنا متعبة من ذلك العصر
الذي
يعتبر المرأة تمثال رخام
.فتكلم حين تلقاني
...لماذا الرجل الشرقي
ينسى،
حين يلقى المرأة، نصف الكلام؟
.ولماذا لا يرى فيها سوى قطعة
حلوى
..وزغاليل حمام
..ولماذا يقطف التفاح من أشجارها؟
..ثم
ينام.


قصيدة...كم جميل لو بقينا اصدقاء
لــــــ
سعاد الصباح

احاسيس بتشرخ

البوست ده مش عارفة حاسة اني عاوزة اكتبه اوي اوووووووووووووي
وعارف انه هيطلع ملخبط ومش مترتب ....والكلام مرتبك كده
بس هكتب كل اللي جوايا ...عشان انا عاوزة اكتب .

احساس بحبه لما بلاقي نفسي مسئولة عن حد ...اعمله حاجته ...اشوف طلباته
اعمل اي حاجة محتاجها...والأحلي لما يكون الحد ده حد من العيلة...وخاصة ماما او بابا
بظروف تعب بابا...طبعا المسئولية زادت ...اه طبعا مانا تعبانة جدا معايا ...وبتساعدني
بس ف الغالب انا اللي بعمل معظم الحاجة...انا فرحانة جدا بكده ....وعارفة انه ان شاء الله
ف ميزان حسناتي ...واني كده بأخد ثواب...بس الفكرة لما يكون الواحد عنده اخ زي الفل كده
كل ما اقوله اعمل حاجة يقول لاء...وميرضاش يعملها.....اه ممكن تكون من اختصاصات البنات
بس مش هيجري اي حاجة لما الواحد يساعد اللي حواليه ....ع الاقل الحمل يخف شوية

ملحوظة: ياريت اللي مبيتقيش ربنا يخاف شوية.

احساس مستفز بقي ...لما تكلم حد وتبقي محتاج تسمع صوته ...تكلمه لمجرد انك عاوز تكلمه
مش شرط كلام معين هيتقال...ممكن اوي اصلا تكون بتخترع اي حاجة ف الدنيا تكلمه بيها
وفجأة تتفاجأ انه مشغول ....مع الاصحاب...اي حاجة يعني
ممكن اوي اوي يكلمك لما يفضي....بس انت جواك احساس نفسك توصله .....اه طبعا الوقت مهم
لانك توصل الاحساس ده ....بس لما كذا مرة ورا بعض يحصل كده ....بيبقي صعب اوووووووي بجد
بتحس انك متكتف ....مخنوق....مضايق ...مش طايق نفسك ف بعض الاوقات...ده غير ان الاحساس اللي
عندك مش بيروح وبيفضل معاك ...وبتفضل مشتاق انك توصله ....ده غير انك بيجيلك ف النص كده
احساس انك تقيل ....او ان الشخص ده مش متقبل تليفوناتك....او اي حاجة ....المهم الحاجة دي بتخليك تتراجع
وف نفس الوقت الاحساس اللي جواك اللي عاوز توصله ....خانقك وتعبك ومخليك مضايق اكتر
احساسين اخنق من بعض ....والاتنين ابشع من بعض .

يوم من حياتي...كنت لازم اكتب عنه(حنان ...شكرا اوي...بحبك اوي اوي)

اول امبارح كنت نازلة الجامعة عشان اسحب ورقي....لقيت حنان قبلها بيوم بتكلمني عاوزة تشوفي ...واتفقنا نتقابل هناك يوم ما اتفقنا ....اتكلمنا كتير اووووووووووووووووووووووووووووووووووي ف التليفون ....ارتحت اووووووي ف الكلام معاها
لما شوفتها بجد اتبسطت اووووووووووووووووووووووووووووي ...كان نفسي اشوفها فعلا.....حسيت ان ربنا معايا اووووووووي

ف وسط ازمتي تيجيلي حاجة تريحني كده......ألف حمد وشكر ليك يارب
حنان : شكرا بجد علي اني شوفتك....شكرا انك كمان خلتيني اشوف ناس كان نفسي اشوفهم....(معتز وكريم سعيد وحسام ولميس وحاتم)
شكرا ليكم يا جماعة بجد .....ممكن اكون مقعدتش معاكم كتير .....بس اكيد احساس اني شوفتكم فرق معايا ...حتي لو كان فرق بسيط....ربنا يديم بينا اي حاجة حلوة حتي لو بسيطة .
شكرا ليكم اوووووووووي.

ملحوظة: رانيا : كان نفسي اشوفك اووووووووووووووووي اووووووووووووي ....بس انا قولتلك هعوضهالك ان شاء الله .
اسراء:ببساطة مقولتلكيش عشان مكنتش عارفة اني هقابلهم ...وكنت ناوية مقعدش كتير :) بس هعوضهالك بردو يا جميل

حنان : بجد بجد بحبــــــــــــــــــــــــــــــــــــــــــــــــــــــــــــــــــــــــــك اوووووووووووووووووووووووي .

رانيا: ربنا يخليكي ليا .
اسراء: بجد بجد شكرا لاهتمامك....وفي كلمة قولتيها ف اخر كلامنا فرحتني جدا ....;)>>لما قولتلك بجد ؟؟ ;)

لميس: برغم اختلاف وجهات النظر الا ان الاختلاف ف الرأي لا يفسد "للحب" قضية...عشان كده هتفضلي اختي الصغيرة ;)

thnnnnnnnnnnnnnnnnnnnnnnnnnnnnnnnxxxxxxxxxxxxxxxx all

ربنا يقومك بالسلامة يا حبيبي

من كام يوم كنت بتكلم مع واحدة من اصحابي بقولها: أن المصيبة لما بتيجي ف اي حاجة ف الدنيا مبتبقاش مصيبة اصلا

لانها ممكن تتعوض الا ف حاجتين : الدين والصحة.....بعدها بكام يوم بابا تعب اووووووووووووووووووي ....حسيت ان ربنا بيأكدلي تفكيري.....بيأكدلي حكمته لما وقعت ف شدة نتيجتي ......واتأخرت حاجات كتير عني كنت بحبها وعاوزاها اوووووووووي ....كنت عارفة ان الازمة هتعدي وكنت بقعد كتير ادعي يارب عرفني الحكمة م اللي بيحصل ده...يارب ريحلي بالي واهديلي حالي ....يااااااااارب

الحمدلله وقتها عرفت الحكمة ....بس الايام دي ربنا اكدهالي اكتر واكتر....اتأكدتلي بتعب بابا ....ربنا كان بيأهلني ان لسه في اتقل ...ولسه في اعمق ....وان اللي فات كان البداية....وقتها حسيت اني مكسورة اوووووووووووي...بس كنت عارفة اني هقدر اعديها واعوض اللي حصل

المرة دي بجد حاسة احساس يكسر بجد...تعب بابا علمني كتير اووووووووووووي بس اكتر حاجة صحيت جوايا ...وحسيت بيها اووووووووووووووووووووووووووي.....ان بابا ده سندي ف الدنيا...الايد اللي بتسندني...ضهري....عينيا اللي بشوف بيها ...الحاجة الحلوة اللي ف حياتي بجد .....

وحشني اوي دخوله عليا وانا نايمة وهو بيطبطب عليا ويقولي نايمة كل ده يلا يا كسلانة قومي....ويفضل يزغزغني....لحد ما اقوم...كنت عارفة اني بحبه بس الاحساس مكنش صاحي جوايا....عرفت اني بحبه اوووووووووووووووووووووووووووووووووووووي

من اول لحظة تعب فيها حسيت ان الدنيا سودة ف وشي بمعني الكلمة...خايفة اوووووووووووووي يارب....محتاجاه جمبي عشان اطمن....
محتاجاه يقوم بالسلامة ويبقي وسطنا ......مش عشاني ولا عشان اهلي...عشانه هو ....عشان هو ميستحقش يتألم....ميستحقش حاجات كتير تحصله .....ميستحقش كده والله.

يمكن مكنتش حاسة بحبي له عشان جمبي دايما...عارفة اني هصحي علي صوته ....بس المرة دي خايفة ...خايفة اوووووووووووووووي

والمرة دي عرفت اني لما اتكسرت قبل كده ......كان ربنا بيمهدني للي هيجي بعد كده .....وعرفت بردو ان اي حاجة هتحصل لي وانا 21 ده تمهيد للي هيحصل وانا 25 وتمهيد لل 30 .....بس واثقة ف ربنا انه هيشفيلي حبيبي وان اللي جاي احلي....

يارب طمنا وراضينا وارضي عنا يااااااااارب...واثقة فيك يارب

يارب متخذلنيش .

مبقتوش تفرقوا معايا

"لو كرهوك ماكانوش اتوجعوا"

مشهد من فيلم عن العشق والهوي....هنا مني زكي كانت بتقول الجملة دي لأحمد السقا

بالصدفة الفيلم جه وكنت فاضية مفيش ورايا حاجة ....ف قعدت اتفرج عليه ...الجملة دي اتقالت ولأول مرة تلفت انتباهي بالشكل ده .....فعلا فعلا فعلااااااااااااااااااا

احنا مبنتوجعش اوي غير من الناس اللي بنحبهم اوووووووووووووي ....الناس اللي بيبقوا فارقين معانا اوووووووووووي

بس الغريبة بقي ازاي حد يجيله نوم وهو واجع حد كده ....وهو جارحه بالشكل ده ازاااااااااااااي؟؟؟؟

والأجمل لما بيتداركوا الخطأ ....بتتطلع منهم كلمة فاكرين انهم بيها خلاص حلوا الموقف "انا آسف"

اوعي حد يفتكر ان آسف ....بتسد فجوة او بتشيل وجع او بتداوي جرح ....استحالة....وبالأخص لما الوجع والجرح

يجي من حد عزيز اوووووووووووووووووووووووووووووووي

"عمر آسف ما ترجع اللي كان"

وعشان كده بقول لو كنت كرهتكم مكنتش اتوجعت ....بس أنا الحمدلله محبتكوش اصلا عشان اتوجع ....او يمكن حبيتكم وقدرت اتدارك احساسي وافوق ....وعشان كده بقولكم :

"مبقتوش تفرقوا معايا"

حسبي ربي

"اشطبه من حياتك ....وادفن ذكرياتك....ومتبصش لتحت"

وقفت لربنا ودعيته اوووووووووووووي يريحني.....ويهديلي بالي ...واهم دعوة قولتها:

يارب بعدلك خد لي حقي....وخلص اللي اتعمل فيا ....يارب انا واثقة فيك تاخدلي حقي....وتراضيني ....ودعيت دعوة وطلعت من قلبي اووووووووووووووووووووووووووووووووووووي ......قولت حسبي الله ونعم الوكيل.....ربنا هياخدلي حقي ان شاء الله

زي ما اخدهولي قبل كده لما قولتها وكنت مظلومة اووووووووووووووي ....عارفة بردو ان ربنا هيرجعلي حقي عشان انا اتظلمت كتير اووووووووووووي ف الموضوع ده

"ياااااااااااااااارب وثقت فيك بعدلك تخلص كل اللي اتعمل فيا ....كله يارب"
"يااااااااااااااارب برضاك وعفوك تراضيني ....يارب "
"يااااااااااااااارب برحمتك تريحني وتنورلي طريقي يارب"


ملحوظة: خلي بالك من دعوة المظلوم

graduation party & my birthday

19-11-2010
رابع يوم العيد ....اتجمعت انا واصحابي عندي فالبيت ...عشان نحتفل كلنا بتخرجنا ....اي نعم اتأخر الاحتفال كتير...بس الحمدلله ف الاخر عرفنا نظبطها ونتجمع ...اتجمعنا وهيصنا وفرحنا وغنينا سوا ...واتغدينا وضحكنا واتصورنا ونزلت الصور والفيديوهات ع اللاب واتفرجنا عليها...واليوم خلص وكانوا مبسوطين جدااااااااااااااااااااا ومشيوا .....
بس بقيت نظرة شجن وحزن ف عيوني انا وايمي هتفضل محفورة جوة الصور واحنا بس اللي عارفين سببها
كان نفسي اضحك من قلبي اليوم ده ....بس انا عارفة اني هعوضها ....قريب اووووووووووووي ان شاء الله

يوم تخرجك يا ايمي يا حبي يااااااااااااااااااااااارب

شكرا اوووووووووووي لكل اللي شاركوني اليوم ده .....شكرا ليكي يا ياسمين انك كنتي صاحبة فكرة عيد ميلادي
اي نعم كان لسه عليه 3 اسابيع ...بس بالنسبة لي ف وسطكم يبقي ف اي وقت مش مهم...المهم اننا سوا

بجد شكرا اوووووووووووووووي ياااااااااااااا

ياسمين
ايمان
اسراء
سارة
ندي
حبيبة
آية
بجد الف شكر ليكم اوووووووووووووي ...ربنا يخليكم ليا

ملحوظة: فرحت اوي لما وصلتلي من كذا حد (شكرا يا أمنية ياللي كنت سبب ف سعادة كلنا ودايما بتعرفي تجمعينا وتبسطينا)

بس حقيقي انا اللي متشكرة اوووووووووووووووووووووووووووووووووووووووووووووووووووي