زهقت من قولة دي بنت بألف راجل
أنا عايزة احس اني معاك
مخلوق ضعيف
وأني فعلا بأنتمي
لجنسي اللطيف
أحميني من حزني
و من احساس مخيف
طول النهار مكشرة و واخداها جد
ولامة شعري علي ورا
و مش شايفة حد
و الدنيا حر موت
و انا مليانة برد
وكل ده علشان يادوب اعدي الرصيف
ماعادش في الشارع شجر بيرمي ضل
و كل يوم حاجات تضيع و حاجات تقل
و أنا خلاص ما أعرفش ليه بقيت أمل
وأعذرني لو كان الكلام مر و سخيف
لـــــــــ
علي سلامة
هناك 4 تعليقات:
انا عايزه احس معاك اني مخلوق ضعيف !!!
تعرفي ده اللي احنا البنات محتاجينه فعلا
خاطرتك عجبتني جدا علي فكره
بس تعرفي احنا في زمن معتش ينفع فيه ان اييييي حد حتي الاطفال يبقي مخلوق ضعيف ومع الاسف اشباه الرجال كترو
وبيبقي حاجه حلووووه قوي لما بنيجي في نهايه اليوم نحس بانوثتنا وضعفنا مع الحد اللي بنحبه ونحس اننا في حماه وتحت جناحه
بوستك ده اثر فيا جدا
بالنسبة للخاطرة ف هي مش بتاعتي يا جميل
دي للشاعر علي سلامة....
اه طبعا احنا محتاجين ده ...بس فعلا مينفعش يبان مخلوق ضعيف ....عارف انا بكره شئ اسمه الضعف ...بس هتيجي تلاقي نفسك ف بعض الاحيان ومع ناس معينة بتحبي تبيني ضعفك ده...انا الاتنين الوحيدين اللي بحب ابين ضعفي معاهم ومش بتكسف وببقي عارفة انهم هيحترموا الضعف ده...وهيقووني...هما ايمي وياسمين ...اتنين من اعز اصدقائي .
ده ميمنعش ان لو الواحد بيحب حد يبين انوثته وضعفه قصاد الحد ده ...بس ف حالة واحدة فقط...لو الحد ده يستاهل
تعليقك اضاف لي ولمدونتي الكثير يا جميل ...شكرا لمتابعتك يا قمر
الف لايك للبوست ولكلام ريهام وكلامك يا أمنية
كنزي يا حبي ...الف لايك للكومنت بتاعك
شكرا بحد لمتابعتك وتشجيعك ليا :)
إرسال تعليق