برافو عليك يا شاطر

هي دي النهاية يا قلبي
يلا بقي ننسي اللي فاتنا
ونعيش حيـــــــــــاتنا

يعني دموعنا هتعمل ايه!!!

ياقلبي جيت علي نفسك كتير
عشان حد مالوش عزيز او كبير
ده اللي زيك يا قلبي
مقامه عالي وكبير النهارده بانت حقيقتك
بس متقوليش فاجأتك
كنت ياما بتخدع فيا
وبكل غدر تقول اني اميرتك

صدقني عمري ما هحزن عليك
ولا هتشوف دمعي بعينيك
اصل اللي يعرف اللي زيك
يادوب من ورا ضهره ويرميك

كنت صفحة ف حياتي دلوتي قفلتها
او قول دمعة حزن علي خدي ومسحتها
من النهارده انت ف حياتي شئ ومات
مش هعتبرك حتي من الذكريات

وهيجي اللي يقدرني ويحبني اكتر
بكتير من حبي ليه
وهحبه واديله كل حياتي
وعمري وهعيشله لحد الممات
وانت ف حياتي هتكون مجرد
شوية تراب مر وفات


مش قلتلك قلبي اتغير
وبقيت ف نظري شئ صغير
وقعت من نظري وعينيا
مبقاش ينفع الرجوع
لان قلبي اتمرد عليا
من كتر جرحك
وسكوتي وانت بتجرح فيا

من النهارده انت سقطت من حساباتي
ويوم ما تيجي ودمعك ف عينيك
هفرح اوي وهتعلي ضحكاتي

ووقتها هتلاقي نظرة شفقة واحتقار
مانا قلتلك قبل كده ما يقع غير الشطار
وبرافو عليك يا شاطر...اديك وقعت زي الشطار

مفيش غيرك هيكون دوايا

اشتقت ليك..بكل ما فيا اشتقت ليك
وبحن ليك...وبأعلي صوت بقولها
انت اللي عمري الجاي كله هعيشه ليك
قلبي بيقولي نفسه يشوفك
يسمع صوتك
يحس بفرحة لقاك
يحس بفرحة اللحظة الجاية ف حضن هواك
يحضن الدنيا كلها بفرحة وهو معاك....

قلبي بيفكر فيك بقاله ليالي
سالني كتير ياتري انت عالم بحالي !!
والسؤال مالوش عندي اي اجابة
بس قلبي دايما بيكررها عليا ويقولي..
انت اللي ساكن عقلي وشاغل بالي

بصحي وقت الفجر ادعيلك
ومع شروق الشمس بالاقي قلبي
يستقبل نورها وعلي طيفها يغنيلك
ومع اول طير بالسما مرفرف
بيبعت سلام مليان باحلي كلام
متغلف بشوق القلب
والف كلمة حب وغرام
واهوا جايلك ف ميعادنا اللي اتفقنا عليه
جايلك ومعاه سؤال مالك..متغير ليه!!!!

يمكن يكون م البعد!!!
يمكن كمان مشتاق!!!
يمكن تكون زيي..
خلاص تعبت من الفراق!!!

الطير بقي عندك اهوا
قوله...قوله كل حاجة حاسس بيها...
قوله علي كل حالة نفسك تشوفني فيها....
قول ع كل اللي ف قلبك
حاجة خانقاك
مزعلاك
او قاهراك..
فضفض...
وطلع كل اللي جواك

متخافش رغم البعد هحس بيك...
يمكن مش هبقي جمبك عشان اضمك جوة عيوني واطبطب عليك
بس معاك اللي اعلي من كل شئ ..هو وحده قادر يهون عليك

بس بعد ده كله....
خايفة تكون نسيت
نسيت قلب حس بيك
نسيت حب عاش اليك
نسيت شريان جري فيه الدم ليك

مش هقدر ابعد عنك مهما كان

عمرك شوفت حد بيقطع شريانه
حد يرضي يعيش وسط احزانه

البعد عنك نار جوايا....
يمكن مكنتش حاسس ب ده وانت معايا....
بس النهارده بجد عرفت ان في حاجات
كتير جدا ليك جوايا

جوايا حب لا يمكن يمحيه الزمان...
مفيش مكان الا وبيفكرني بيك؟؟؟
لما جيت تبعد خلاص..وكنت عارفة
انه مش بايدك.....

كنت ببعد عن حياتي..
كنت عايشة وسط اهاتي...

يومها حسيت ان جزء مني خرج برايا
حسيت ان روحي مبقتش جوايا
حسيت انك فعلا انت هوايا

ياريت ترجعلي بقي ...عشان خلاص انا مجروحة
ومفيش غيرك هيكون دوايا

في حالة انتظار!!!!

"في حالة انتظار"

اليوم فقط جلست وحدي وتذكرت.....

.تذكرت اشياء كانت جزء من حاضر..

.حاضر عشته لحظة بلحظة بخيالي.....والآن هي مجرد ذكريات....

ذكريات عندما أذكرها تتسارع في قلبي النبضات ويسألني قلبي...ما حقيقة هذه النبضات؟؟؟؟

أهي نبضات الاشتياق!!! أم نبضات خرجت فقط لتُشعِرِك بالحياة!!!أجبت قلبي....

وقلت له: لا اعلم ما حقيقة تلك النبضات ...ولكني اعلم شئ واحد ...أنك يا قلبي سيأتي عليك يوم لتدق وتُفرغ تلك الدقات لشخص يوفيك حقك ....وستكون تلك الذكريات مجرد صور تناثرت عليها ذرات الغبار حتي لا يمكن لك ان تراها...

ولكن هناك سؤال يلح عليَ يا قلبي:هل ستبقي ملامح تلك الصور محفورة بداخلك أم سيمحيها الزمان......!!!!

هل ستجيبني يا قلبي.....؟؟؟؟

نعم يا قلبي انني اسمعك جيدأ .....

اجابني قلبي قائلا:سوف تُمحي هذه الملامح لانها ستُعوض بأخري..........ستُعوض بملامح مثل ملامح الملاك......ألستِ أنتِ دائماً مَن كنتِ تقولين مَن يستحقني فقط هو وحدهُ سيكون ملاكِ........ اقولها لكِ سوف تُبدل هذه الملامح لتكون ملامح ملاك.............. تنطق من اللهفة عندما تراكِ....وتسمعين دقات قلبه من خلال كلماتهُ المعبرة إليكِ... ولكني اريدك ان تجيدي التحدث بلغة العيون............... ألستِ انتِ مَن تقولين....أن ما يخفيه اللسان تبوح به العينان....."إذاً حاولي اجادة هذه اللغة"والآن اريد ان اسمعك ....فانا قلبك ....تحدثِ اليَ......

اجبت قلبي قائلة:لغة العيون....

هي لغة لا يفهمها الا المحبون...........................

ولا يُجيدُها الا العاشقون..................................

فهل لي يوماً ان اعرفها؟؟؟؟؟؟احسست يوماً اني عرفتُها .......ولكن لا اعرف ....هل احساسي خانني وكذَب عليَ.......هل لي ان ياتي اليوم عليَ واحس فيه بذوبان الجليد وانسياب الكلام وان قلبي وقلب آخر قد ذابا معاً تحت ضوء القمر؟؟؟هل لي يوماً ان اري عيون آخر في ظل ضوء شمعة؟؟؟؟؟أجبني يا قلبي.........هل انا اخاف حقاً مثلما قال بعضهم ....؟؟هل انا كذلك ......وإذا كنت كذلك ..فلماذا الخوف يا قلبي؟؟؟؟؟؟هل آثرت تجارب الآخرون بك؟؟؟؟؟ فلهذه الدرجة يا قلبي حسك مُرهف أم انك لم تجد الانسان المناسب؟؟؟؟؟ هل هو موجود حقاً ...أم أنني اتوهم وجوده ؟؟؟؟؟؟؟؟؟؟؟؟؟؟ فإذا كان موجود ....لِمَ لا يأتي إليَ؟؟؟


أنني اناديه كل ليلة ......ألم يسمعُني.....هل صوتي لم يصل اليه !!!!!

ادعي له في كل صلاة......هل لم يصل اليه دعائي!!!!!!!لِمَ لا يشعر بي................

أنني سئمت من الانتظار....سئمت من النداء بلا اجابة......

اين انت يا نصفي الآخر؟؟؟؟

اين انت يا شريكي...؟؟؟اين انت يا فتاي؟؟؟؟؟

واخيرا اين انت يامـــــــــــــــــــــــــــــــــــــــلاكِ

نظرة من عينيك لعنيا!!!!

نظرة من عينيك لعنيا نظرة

بتخلي الزمن يوقف بيا

نظرة ممكن اغير بيها الدنيا ديا
نظرة حلوة بريئة شقية
نظرة حسيت فيها بكل الوان الحنية

وقتها بس صدقت.............

ان ممكن ابقي ليك وتبقي ليا

النظرة دي رجعت بيا الزمان

فكرتني بنفس المكان.....
فكرتني بكل همسة حب ليك مع الالحان
فكرتني بكل لمسة من ايديك حسيت فيها بالامان

النظرة دي...خلت فرحتي

زي فرحة طفل صغير بيوم العيد

خلت قلبي يغني يقول........

من يوم ما عرفتك
وانا حاسس اني هعيش العمر سعيد
وحبي ف قلبي بيكبر يوم عن يوم ويزيد
اوعي ف يوم تبعد عن قلبي تاني

وتخلي نار الشوق واللهفة ف قلبي تقيد

ده انت الحب والامان

وانت اللي هيعوضني
عن كل اللي كان
وانت اللي قلبه مليان حنان

وانت اللي هسلمه نفسي اكيد .......

كل سنة وانتي طيبة

بداية السلام عليكم ورحمة الله وبركاته

كل سنة وانتي طيبة يا اغلي واحلي واحن واطيب واخلص صديقة واخت ف الدنيا (إيمي)النهارده عيد ميلادك .....اتممتي 19 سنة ....خلاص كبرتي ...ههههههههه بجد حاسة اني انا اللي تميتهم مش انتي .....عاوزة اقولك حاجات كتيييير اوي ....عاوزة اقول ان الدنيا من غيرك كانت هتبقي وحشة اوووووي عاوزة اقول انك بجد من احلي الاشخاص اللي ف حياتي في حاجة لازم تعرفيها .....من بين كل اصحابي .... بجد انتي ليكي رونق خاص ف قلبي بجد انتي انتيمتي واختي وصديقتي ....وحب عمري زي ما بقولك دايمابحبـــــــــــــــــــــــــــــــــــــــــــــــــــــك اوووووووووووووووووووووووووووي مع اتمامك 19 سنة بنكمل مع بعض 12 سنة ونص صداقة يارب عقبال ما يبقوا مية ..... بس هتبقي صعبة خالص هنبقي عواجيز اوووووووووووووووووووووي عاوزة اقول بجد انك مرايتي من بعد ماما طبعا .....هههههههههههه مش عاوزة اجي علي حقها .....بجد انتي مرايتي .....مش هنسي حاجات كتير حصلت منك اثرت فيا اوووووووويوالاحلي من ده كله ....مش هنسي يوم ما سالتك قولتلك مين اكتر الناس اللي اثرت فيكي قولتيلي انتي يا امنية ....فرحت جدا بحس براحة مش طبيعية لما بتكلم معاكي خصوصا لما بكون مخنوقة ....لما بتكلم معاكي بحس ان الدنيا حلوة ....بحس ان كل مشكلة وليها حل مهما كانت بحس انك نصفي الاخر .....بتكمليني ف كل شئ بجد بحبك جداااااااااااااااااااااااااااااااااااااااااااااااااااااااااااااااااااااااا

بحب التوارد اللي بينا ....يارب يديمه علينا نعمةبحب كل شئ فيكي ....طيبتك ...اخلاصك ...حبك للناس...خوفك عليا ....خوفك علي دينك..تشجيعك ليا .... مساندتك ليا ف كل وقت بحب اتفاقنا اللي متفقين عليه حاليا ....واللي مش نسياه خالص وباعمل جاهدة عشان احققه ف كل لحظة

بحب فيكي امانتك ....صدقك ....جنانك ....شقاوتك بحب ضحكتك ....سبحان الله حتي ابتسامتك الحزينة بحبها

ايمي ..... لاول مرة بقولها لك ....انتي انسانة بجد ملكيش مثيل انسانة حلوة اووووووووووووي من جواها انسانة تحفة .....

علي فكرة انا ربنا بيحبني انه خلاني اعرف صديقة زيك بحب فيكي البراءة اللي ف عينيكي بجد كل حاجة فيكي حلوة .........

.يارب يديم علينا صداقتنا ومحبتنا دي واخر حاجة عاوزة اقولها لك

ياحروفي ذكريها ان قلبي ما نسيها ولو ظروفي شغلتني يعلم ربنا بموت فيها

كان في اغنية زمان بتقول مش عارف انا من غيرك كنت هكمل عمري ازاي

مش عارف انا وانا جنبك ليه مش خاايف م اللي جاي

بجد بجد الاغنية دي انا بهديهالك يا اجمب حب ف عمري يا ايمي بــــــــــــــــــحـــــــــــــــــبــــــــــــــــــك اووووووووووووووووووووي

وحشتيني جدااااااااااااااااااااااااااااااااااااااااااااااااااااااااااااااااااااااااااااااااااااااوان شاء الله قريب اوووووووووووووي اشوفك .............ياااااااااااااارب يارب يسعدك مدي الحياة ويحبب فيكي خلقه

ويسهل عليكي كل صعب ويكتبلك الخير ف كل خطوة .... وييسرلك امورك

اللهم قربها الي حبك وحب من احبك وحب كل عمل يقربها الي حبك

اللهم اكفها بحلالك عن حرامك واغنها بفضلك عمن سواك

اللهم من ارد بكِ سوء فاشغله ف نفسه

واخر دعواتي ليكي ....ربنا يخليني ليكي ويخليلك اهلك ....ياااااااااااارب

وكل سنة تحتفلي به كده معاهم بس السنة الجاية تكوني بتحتفلي به مع عريسك

ان شاء الله يارب ...............بــــــــــــــــــوســــــة كبيرة وحضن اكبر ليكي

الصورة دي بتفكريني بيا وبيكي يارب نتجمع علي خير

كل سنة وانتي طيبة يا اغلي واحلي حب ف حياتي

البوست ده انا كتبته يوم عيد ميلاد ايمي ....وحطيته نوت ع الفيس بوك

وطبعا افتخر بردها جدا لذلك نويت احط ردها بردو.....

اهوا

اقول اييييية بعد الكلام دة...خايفة اقول اى حاجة ماقدرش اعبر بيها فعلا وادى الكلام حقة....

ربنا يخليكى ليا يا..لو قلت اختى انتى اكتر من كدة...لو قلت صديقتى انتى فقلبى اقرب من كدة...

اقول اييييييية علشان اوفيلك حقك...انتى فعلا زى ما قلتى نصى التانى..

.اللى مقدرش استغنى عنة ابدا..ودايما معايا فى كل مكان...ربنا سبحانة وتعالى ادانى نعمة

كتير مابيلاقوهاش طول حياتهم..ادانى انتى...والحب اللى مابينا اللى كتير نفسهم يلاقوة...

تعرفى انا بسببة بحس انى ملكة علشان معاكى بس بقدر اعبر عن احساسى

وعن كل حاجة بفكر فيها وحتى من غير ما اقولها ..انا عارفة انك حاسة بيها...تعرفى..

دة مش بسبب التوارد بس..بسبب حبنا لبعض و كمان السنين اللى فاتت اللى خلتنا نفهم بعض اكتر...

يعنى فعلا تقريبا بقينا شيئ واحد...امنية..

انا كمان مش ناسية اتفاقنا واقدر اقولك من دلوقتى ان التوهة اللى كنت فيها خلاص

راحت لحالها ومستقبلى كلة حاسة انة معايا فى الكلية ومعاكى طبعا

بس تعرفى الكلام اللى قولتية عليا دة كتيييييييييييييييير اووووى صدقينى انا بجد ماستحقش كل دة

ربنا يخليكى ليا ..يا امنيتى..ويقويكى ويجعلك فى كل خطوة نور ويكتبلك الخير اينما كنتى

تعرفى سمعت عمرو خالد بيقول اذا كنت بتحب حد اوووى وخايف تبعد عنة..اديلة ميعاد فى الجنة...

انا بديلك الميعاد دة نكون ساكنين جنب بعض او مع بعض...و

هاقترب من ربنا اكتر واكتر واكتر علشان احافظ على الميعاد دة...امنية...

انا بحبك اوووووووووووووووووى وصدقينى مش لاقية كلام اعبر بية بس انتى اكيد حاسة بية..

.ومش بعيد كمان تكونى حاسة ان انا بكتب الكلام دة دلوقتىانتى فعلا اثرتى وبتاثرى فى حياتى...

ماينفعش ايمان تعيش او تحلم او تحب من غير امنيتها..تعرفى اسراء بتقولى نفسى الاقى حد زيك انتى وامنية...

شفتى بقى يضرب بينا المثل!!!!!

امنية...فى حكمة بتقول ومن يتهيب صعود الجبال يبقى ابد الدهر بين الحفر

احنا عايزين نوصل ونوصل اوووووى ان شاء الله وننسى اللى فات بس نتعلم منة

ان احنا مانغلطش مرتين ونروح بكل تفكيرنا اللى هايجيلنا وماننساش حاضرنا ,

الحياة اما ان تكون مغامرة جريئة وا لا شيئ ..وانا وانتى اخترنا انها تبقى مغامرة جريئة.

امنية..هااااااااانت كلها شوية وتركبى معايا قطر ال19مستنياكى..

علشان نكبر سوا وايدى بايدك نرجع احسن من الاول عشرين مرة...

واقولك زى ماقولتيلى...اللهم قربها الى حبك وحب من احبك وحب عمل يقربها الى حبك...

كل سنة واحنا طيبين والى الله اقرب...وكل سنة واحنا دايما مع بعض ونشوف ولادنا بيكملوا المسيرة بتاعتنا

ولغااااية لما نبقى عواجيز وبنكحكح...واقولك فاكرة يا امنية...تقوليلى مش الفكرة..هههههههههههههه

ونكون حققنا اللى بنتمناة لينا ولاهلنا ولكل اللى بنحبهم...تعرفى...

مش عايزة اخلص الكلام بس بحوشهولك علشان لما اشوفك اطلع كلة دفعة واحدة...

جنان بقى..ربنا يخليكى ليا يا اجمل حاجة حصلت فى حياتى...

وان كنت مش قادرة اوفيلك حقك فاعذرينى...

لكن انتى دايما فى قلبى اليكى سلامى... وحبى...وقلبى...يا امنيتى

بجد يا ايمي انا بحبك اوووووووووووووووووووووي

ربنا يخليكي ليا يارب

حبيبي وبكل اختصار!!!

اشتقت لهذه المقابلة
وتقابلنا بعد طول انتظار
اردت معرفة مدي صدق
احساسي ولقد خانتني نفسي
وما هي الا ان تكون اقدار

في لحظة اللقاء لا اعرف ماذا حدث!!
فلقد عادت السنين وزاد الحنين ....
ولم اتمالك نفسي ففقدت
القدرة علي الاختيار........
احسست بنفسي وكأني فراشة....
فراشة طائرة بين الازهار.....

احس قلبي احساس غريب
لا يُوصف ولكنه مزيج
من الانكسار والانتصار
انكسر بسبب خيانة نفسي لي
وانتصر بسبب رجوع الحب
الحب الذي مضي وانقضي
رجع بقوة علي قلبي كما كان
رجع علي قلبي مثل هبوط المطر علي الازهار
احسست بشئ يدفعني للامام
ووجدت في قلبي نهر من الحب
والامل....نهر غير بقية الانهار
فكرت في هذا الحب طويلا
وتركت لقلبي العنان في سرد الافكار
ثم اتفقنا سويا انا وقلبي علي التواصل
في هذا الحب لنجعل منه انوار
تهدينا الي طريقنا الصحيح
وشكرت ربي كثيرا علي هذه النعمة
فالحب ما هو الا منحة من عند الله

يا حبي الوحيد ابقي معي
وياربي الواحد اني افتقر اليك افتقار
وبدون وقوفك بجانبي يا الله
فأنني سوف انهـــــــار


عندما نظرت الي السماء
وجدت فيها ان القمر قد اكتمل واستدار
يالجماله ونوره وبعده........
انه يشبه حبيبي تماما

حبيبي وبكل اختصار
جماله يفوق جمال الازهار
عطاؤه يفوق هبوط الامطار
حنانه يفوق جريان الانهار


حبيبي وبكل اختصار
بحبك كلمة كتبتها بكل الوان الاحبار
حبيبي وبكل اختصار
انت الذي اعدت لي
الحب الذي مضي
والعشق الذي انقضي
اعدت لي قلبا قد مات
واشياء كادت ان تصبح ذكريات


حبيبي وبكل اختصار
احبك يا اجمل حب صار

وهتمر السنين وانا لسه بفتكر......

احلي حاجة ف الدنيا لما تكلم البحر ...

بحس دايما انه صديق الانسان....

وبحس كمان ان اللي بيكلم البحر ده انسان عنده حس جمالي.....

احلي حاجة لما تكلم البحر وتشكيله وتبقي مخنوق

وتفضفضله ويرد عليك بموجة ثايرة بتطلع لفوق اوي

وتنزل تخبط نفسها ف الرملة تضامنا معاك ع الحاجة اللي خنقالك!!!!!

وياااااااااااه بقي ....لو حكيتله حاجة بسطالك ومفرحاك

بيبقي رد فعله ميتوصفش لما يضحكلك بموجة هادية

تعدي تلاعب رجلك ومع الموجة نسمة هوا تعدي تلمس خدودك

ومن حلاوتها تحمرهم وترجعك لايام حلوة اوي ......

ايام ما جيت انت وعيلتك اول مرة علي نفس الشط وكنت

صغير بتبني بيت من رملة وتمسك ايد قريبتك او نقول

حبيبتك وأقصي امانيك معاها تدفها بشوية مية

وموجة تاخدكوا وموجة توديكوا......

وف وسط ما بتفتكر اجي انا واخليك تفوق علي

واقع جميل وأحققلك حلم حلمته زمان عشان بعد

سنين من وجودنا مع بعض تيجي ف نفس المكان

وتفتكر لحظة الحنان وأنا افتكر كل لحظة حسيت

معاك فيها بالامان وهيخلص اليوم واللحظات كتير

وهتمر السنين وانا لسه بفتكر!!!!!!!!!

قلبي واجعني اوووووووووي.......

مش عارفة ابدأ منين...........

بس تقريبا هابدا من قلبي الموجوع ده .....

النهارده كان اخر يوم ف التدريب .........بجد الناس دي اثرت فيا اوي

قلبي موجوع اووووووي ان التدريب خلاص خلص ........


كانوا 15 ولد وبنت

بجد كانوا كلهم مختلفين عن بعض

حبيتهم اوي واتاثرت بيهم اوووووووووووي

بجد ناس زي السكر ......اخلاق ومحترمين

دمهم خفيف ......





نفسي اقول عنهم حاجات كتير اوووووووووي

النهارده حصل حاجة مش عارفة هما اخدوا بالهم منها ولا لاء

كنت بابص لهم اوووووووي النهارده

زي ما يكون باقول لعيني احفظي ملامحهم اوووووووي

بس بجد حفظت ملامحهم ......وحطيتها ف قلبي

كنت باسمع كل كلمة بيقولوها اووووووي

فعلا كنت حاسة اني باسمع الكلام عشان احفره جوايا

بجد التدريب ده اثر فيا اوووووووووووووي

اتغيرت فيا حاجات بسبب التدريب ده

مكنتش اتخيل اني اتاثر بيهم اوي كده

عاوزة اقولهم شكرا علي كل لحظة حلوة.....

وكمان اي لحظة زعل شكرا عليها عشان كان بيبقي في فرصة لبداية جديدة مع الصلح.....








عاوزة اشكر حد بجد من اكتر الناس اللي شوفتها محترمة ف حياتي

هو احمد يسري : كان مسئول عن تدريبنا

الانسان ده بجد اثر فينا اوووووووي

عاوزة اقوله شكرا اوي اوي اوي
كان بيدربنا وبجد كان اخونا اوي
كان مش بيستخصر فينا حاجة
كان بيتعامل معانا بأخوة اوي
بصراحة احنا جنناه اووووي




بس كنا كلنا مع بعض كده اخوات كنا بنهيس مع بعض
بنضحك مع بعض ...بنأكل مع بعض ...بنشتغل مع بعض
بس اهم حاجة بنعمل كل حاجة واحنا مبسوطين
حابين نعمل الشغل .....بجد كنا بنروح مبسوطين اوووووووي
كنا فرحانين بوجودنا مع بعض....

كنا كلنا عفاريت ....
كنا15عفريت وعفريتة....

اولا: اسراء: كانت اكبر واحدة فينا
عسولة ومحترمة وقلبها طيب وانا
بعزها وبحترمها.......

معتز: طيب وبعتبره اخويا الصغير
وكان بيهيس واحلي حاجة بقي
حرف الراء....كان كلامه مليان من الحرف ده

رانيا:قمة التهييس بس والله عسولة
احلي حاجة فيها انها مش شايلة هم حاجة
علي طول ضحك وتهييس......

دينا: مجتش كتير بس انا عارفاها من الجامعة
عسولة وبتضحك .....يعني صاحبة حلوة بصراحة

مريم زكي: دي بقي حاجة تانية طول اليوم ضحك ضحك ضحك
مش بتعدي حاجة الا اما تعلق عليها وتضحك.....بجد بحبها اوووووووي


هدير: يمكن زعلت منها اثناء التدريب بس بعد كده اتصالحنا وبقينا الحمد لله
سمن علي عسل ....يارب نفضل كده علي طول ...انا بحبها ...هي عسولة
وشفتها ف التهييس بصراحة لما بتهيس ....بتبقي عسل اووووووووووي


سمر: هادية اوووووووووي من هدوئها معرفناش نعرفها اوووووووي
بس واضح بردو انها عسل ......وانا شخصيا بحبها....

روضة:دي بقي صاحبتي وشريكتي ف المكتب
بحبها جداااااااااااااااااااااا وبجد قولتلها قبل كده
تنفع صديقة حلوة اوووووووووووي ...بحبها لدرجة
كبيرة....عسولة اووووي ومحترمة جدا.....عاطفية
ودموعها غالية عليا اووووووي ....يارب نفضل
علي طول.....

رضوي:دي بقي مشكلة.... ضحكتها حلوة اووووي
وتعليقاتها فظيعة ......بحبها اووووووي ....حتي لما
بتزعل بتبقي عسل .....يارب يسعدها مدي الحياة...

محمد: اخويا الصغير ...انسان محترم جداااااا....
ومهذب اوووووي....ربنا يكرمه ف حياته يارب...


عمر: قولتله قبل كده جملة
keep the smile on ur face
كلهم كانوا قايلين لهم ان ضحكته تحفة
ما شاء الله عليها ...ربنا يديم عليه الضحكة دي
وبردو بعتبره اخويا الصغير ..........


عمرو: شقي ومحترم....وبردو بعتبره اخويا الصغير
ربنا يوفقه ف كل حياته ..........

انجي: مسمارة ده اسمها معانا....انما بصراحة هي فعلا
زي ما احمد عليها...كتكوتة..بحبها وهي انسانة محترمة
وحبوبة ...وروحها حلوة....ربنا يكرمها يارب


مريم اشرف: بحب اووي طريقتها ف الكلام..
بحسها سيدة اعمال ...بتحب دراستها ...بحسها
طموحة...عسولة....ربنا يوفقها ف حياتها..

شيري: اول واحدة اتعرفت عليها ....عسولة
طحن...وروشة ....وحبوبة موت....ربنا يكرمها
بكل خير يارب

بجد كان شهر حلو اوووووي
بشكرهم كلهم ....شكرا للكل

شكرا كمان لأحمد يسري علي كل حاجة
عملها معانا ......
ربنا يكرمه ويحققله كل اللي بيتمناه ....

كان نفسي اكتب البوست ده اووووي
انا كتبت جزء منه يوم 31/7 وكملته النهارده

فتي الاحلام !!!!فتاة الاحلام!!!!

فتي الاحلام وفتاة الاحلام !!!!!!


كل واحد مننابيرسم ف خياله صورة لفتي او فتاة الاحلام
الصورة دي بيكون فيها صفات كتير اوي :rolleyes:
تقريبا بتبقي صورة مثالية .....وغالبا بتبقي صورة لملاك... :shy
الصفات دي بتفضل ف دماغنا حتي لو مقابلناش الشخص او الشخصة
دول بس بتبقي الصفات ف دماغنا
وممكن نقابل شخص او شخصة ينسونا الصفات اللي كانت ف دماغنا :shy
خالص ومنفكرش ف الموضوع ده لان الشخص او الشخصة اللي
لاقيناهم دول او اللي معانا خلونا منشفش غيرهم ..... :062:
لانهم مثلا بيكونوا بجد حاجة فوق الوصف .......... :shy
ممكن كمان يبقوا في عينيناا احلي وافضل من صورة فتي اوفتاة الاحلام! :062:
دلوقتي بقي البوست ده معمول ليه ؟؟؟؟ :think
عشان عاوزة اعرف مواصفات فتي او فتاة احلامكم؟؟؟؟؟ :girl


يعني ايه ؟؟؟
صفاته ايه ؟؟؟مواصفاته ايه ؟؟؟
عاوزينه مستواه الاجتماعي والمادي والثقافي يبقي ازاي ؟؟
درجة التدين تبقي اد ايه ؟؟؟

يعني تقولوه كل حاجة عاوزينها تبقي في فتي الاحلام او فتاة الاحلام ....
طيب في حاجة اخير هتقولوها
والسؤال ده اختياري يعني ممكن تجاوبوا وممكن لاء :
وهو هل لاقيتم فتي او فتاة الاحلام .؟؟؟؟
وهل فعلا زي ما رسمتم صورتهم زي ما لاقيتوهم؟؟


وهأبدا بنفسي واقول المواصفات:

-انه يكون بارا" بأهله جدا جدا جدا
-متدين ووطبعا الكلمة دي مش قصدي بيها انه يكون شيخ
انا اقصد انه يكون بيصلي ...وعارف ربنا ....وعارف
ازاي يتقي ربنا فيا ....
-يكون راجل يعتمد عليه واد المسئولية بجد
-محترم ومؤدب
-روش ومرجلش :lol:
-رومانسي :wub:
-نفسي بقي بجد يبقي مجنون وطاقق .... :girl2
- يبقي وقت الجد جد ووقت التهريج يهرج
-يخاف عليا .... ويكون في جزء من الغيرة بس مش الغيرة القاتلة
-حنين :skymad:
-يقدر يفهمني .. مش معني كده اني لغز ...لاء يعني نفسي ف حد يفهمني من عينيا
-يكون عاقل كده وحكيم .... وكمان عقله كبير
-متسامح ... لاني الحمد لله كده ف عاوزاه هو كمان يبقي كده
-مرح :atyaf:
-ميطلعش اسرارنا برة
-وقت ما احتاج له الاقيه :friends:


اما بالنسبة للشكل بقي :
-فيكون مقبول مش وسيم وامور بقي وكده لاء مقبول ...
-عاوزاه طويل بصراحة ومش مليان ...يكون رفيع


اما بالنسبة للسن :
-يكون اكبر مني ب 2 الي 6 سنين اكبر من كده لاء...
ناس تقولي ما هو لما يبقي اكبر منك ب 8 ولا 9 سنين عادي لاء.
..مش حابة كده .... يعني افضل التقارب ف السن...

بالنسبة بقي للمستوي المادي :
- عادي يعني مش تحت ولا فوق متوسط طيب الشبكة والمهر والكلام ده
مش هيفرق معايا خالص لان الشبكة دي بتبقي هدية من العريس لعروسته
يعني هو اللي يقدرها ويجيبها زي ما هو حابب
بس طبعا مش يجيلي مثلا علي امل ان والدي ووالده هيجهزونا ...
لاء طبعا لازم يكون هو حس انه عمل حاجة ف البيت ده
عشان طبعا اللي بيجي سهل بيروح سهل اكيد

المستوي التعليمي : يفضل بكالوريوس تجاررةمش شرط انجلش ...

لاء عادي مش فارق معايا يعني انجلش عربي فرنسيالمهم يكون راجل يعتمد عليه

==>طبعا نفسي اننا يكون في حاجات مشتركة ما بينا
نفسي فعلا زي ما عمرو دياب قالها مرة

نكون روح واحدة ;)
نفسي نكمل بعض فعلا......... :D
ونفسي يبقي نُصي التاني فعلا.... :wub:

ودلوقتي بقي عاوزة اعرف منكم انتم ايه مواصفات فتي الاحلام او فتاة الاحلام ؟؟
وهل اتقابلتوا مع فتي او فتاة الاحلام دول ولا لسه ؟؟؟
:cheer وربنا يوفق الجميع ان شاء الله
:rolleyes:
وشكرا :signthanks:

بحبهم اوي !!! ربنا يخليهم ليا !!!

بجد بجد الحمد لله عليهم جدااااااااا

اصحابي بجد شوية اصحاب جامدين جدا

عاوزة اقول حاجة من اجمل ايام حياتي

كان النهارده فعلا

كان يوم روعة..... كل حاجة فيه كانت حلوة

سواء المحاضرات اللي اخدناها او اللي اتكنسلت

بجد الناس دي انا عاوزة اشكرها اوي

عاوزة اقول اني كنت فاكرة ان فترة ثانوي

من اكتر الفترات الحلوة ف حياتي

هي صحيح كانت فترة حلوة اوي ومميزة

بس فترة الكلية مش عاوزة اقول احلي عشان

ممكن اظلم فترة الثانوي

بس فعلا حاسة ف فترة الكلية ان فيها نوع من انواع

التألق بجد فترة حلوة اووووي

يمكن سنة اولي مش كلها حلوة بس كان فيها ايام تحفة

بس بداية من اجازة اولي بجد الايام بقت الحمد لله حلوة

لما نزلت تدريب اتعرفت علي ناس كويسين واصحاب بجد

وفعلا يتقال عليهم اخوات بمعني الكلمة بغض النظر عن اي

زعل ممكن يكون حصل ف يوم من الايام

الناس دي بجد قضيت معاهم شهر تدريب من اجمل شهور حياتي

وهما (نجلا وكريم واسلام )

وفي ناس تانية كانوا بيتدربوا معانا بس

مكنش لينا علاقة اوي بيهم

وهما (ايمان وندي ومحمد ومحمود والشيماء)

بس الاقل كنا بنتعامل مع بعض بارتياح

مش تكبر بقي ونظام غرور ونفسنة وحاجات كده

والحمد لله في ناس لسه مستمرة معاهم من البنك لغاية دلوقتي

اما بقي اصحاب الكلية ف دول ليهم طابع خاص جدا

انجي سليمان : الانسانة دي بجد بيني وبينها مواقف تحفة

ياما ضحكنا سوا واتخنقنا سوا وحاجات كتير اوي عملناها سوا

بجد ربنا يخليها لي

ده حتي مواقفنا الحلوة اغلبها كاتبينها عشان تبقي لنا ذكري حلوة

انجي حاتم : عسولة وبحبها ولينا ساعات لما بنهرج سوا

بنبقي جامدين اوي ربنا يخليها لي

دعاء حاتم : انا وهي بالنسبة لبعض اصحاب سكشن واحد

وبنش واحد وكل حاجة تقريبا بنتشارك ف حاجات كتير اوووي

بردو ربنا يخليها لي

آلاء عبد الحليم : الحمد لله انا حاسة ان صحوبيتنا هتستمر بعد الجامعة

والحمد لله حاسة كمان اني بالنسبة لها صديقة بجد

بتاخد رايي ف حاجات وانا كمان باخد رايها ف حاجات

ربنا يديم علينا المحبة يارب

آلاء ماهر: دي بقي بجد اول انطباع اخدته عنها انها بريئة وطيبة

وهي عسولة ...... بحب اهرج معاها اووووووووووي

بصراحة هما دول اكتر ناس باقضي معاهم وقتي ف الجامعة

انا الحمد لله عارفة نااااااااس كتير بس دول اكتر ناس

بحبهم اوي

ربنا يخليهم ليا

وباشكرهم ع اليوم بتاع النهارده كان يوم جامد مع انه كان قصير

بس كان هايل ده غير الصور اللي اخدناها سوا

بجد كان يوم اقل ما يقال عنه انه روعة

شكرا بجد يا احلي اصحاب

وان شاء الله يتكرر تاني

بس واحنا فراحانين بانتهاء امتحانات الميد ترم

وربنا معانا جميعا

آآآآآآآآآآميييييييييين

نفسي اقولك !!!!!!

من كام يوم واحدة صاحبتي كانت بتسمع اغنية علي موبايلها

ف جه ف بالي اسمعها انا كمان

الاغنية بتقول :

نفسي اقولك ع اللي بيا

نفسي اقولك كلمة واحدة

انت داري بشوق عينيا

متجاوبش ثانية واحدة

سيبني اقولك م الكلام

حاجة توصف اللي بيا

ولما اخلص فيك غرام

ابقي رد انت عليا

انت مهما تقولي ايه

مش هاصدق غير عينيا

دايب ليلة باناديك

دايب وانا باهواك

جوه قلبي انا ليك

حب عشته معاك

حبيبي بعد حرام

جوه قلبي غرام

ولما عيني تنام

بردو باحلم بيك

ايوة دايب قلبي فيا

ايوة دايب شوق ونار

ثانية واحدة تغيب عليا

ايوة انا محتاج لحضنك

ايوة انا محتاج اليك

نفسي اعيش العمر جنبك

نفسي اشوف صورتيف عينيك

بجد اغنية رومانسية موووووت

حلوة جدا

مش عارفة وانا باكتب البوست

جت ف بالي كذا اغنية

من ضمنهم اغنية بين ايديك

الاغمية بتقول

بين ايديك انا بانسي روحي

بين ايديك

صعب اعيش ف الدنيا ديا

الا بيك

كل يوم بيفوت عليا

حبي ليك بيزيد شوية

مكانك جنب مني

اوعي ليلة تغيبها عني

معاك رجعت لي تاني

حياتي ودنيتي

معاك باعيش حبيبي ف الدنيا

جنتي

وياك شفت بعيوني طريقي وسكتي

ماليش غيرك حبيبي

معاك حاسة بأمان

وطول ما انت معايا

مابأخافش من الزمان

محتاجة ليك حقيقي

قرب مني كمان

بجد الجزء ده روعة موت

معاك رجعتلي تاني

حياتي ودنيتي

معاك باعيش حبيبي

ف الدنيا جنتي

وياك شفت بعيوني

طريقي وسكتي

يااااااااه كأنها كانت مش عايشة قبل ما تقابله

بجد بجد روعة

احساس حلو اوي

ربنا يرزق الناس كلها وتحسه ياااااااارب

احبك يا إلهي...... ربنا كبيييييير اوي

بجد الحمد لله
امبارح كنت ف قمة الانهيار ومدمرة
بس النهارده الحمد لله العكس تماما
مقتنعة بالكلية وكويسة الحمد لله

احساس ان ربنا بيحبك ده لوحده كفاية

بجد انا مش عارفة اعبر اد ايه انا باحب ربنا

كنت عاوزة اكتب الكلام ده ف البوست اللي فات

بس لاقيت انه لازم يبقي له بوست لوحده

بس ربنا يخليلي اهلي .................
بحبهم اووووووووووي يارب

انهياااااااااااااااااار!!!!!!

مش عارفة محتاجة اكتب البوست ده جدااااااااااا

بجد حاسة اني بأنهار

بأنهار بمعني كلمة الانهيار.........

يمكن في كذا حاجة بتشجعني ف اني مستسلمش

بس بردو مش قادرة

قدرتي ع الاحتمال خلصت

حاسة ان دي النهاية خلاص

بابا وماما النهارده كانوا بيكلموني ف كده

وبيقولولي ايه ده انتي عمرك ما كنتي ضعيفة

طول عمرك قوية وبتواجهي اي مشكلة بشجاعة

وقوة وكمان قالوا لي فين ايمانك بربنا

فين امنية اللي مؤمنة بربنا

ودايما ف لسانها انا واثقة ف ربنا وثقتي ف الله

ملهاش الحدود انا بجد عارفة شعورهم واد ايه خايفين عليا

بس كل يوم ف الكلية باحس اني باندم كتييييييييييييير

عن اليوم اللي قبله

انا عارفة ان ممكن همس تزعل مني في كلامي ده

بس صدقيني انا جوايا لخبطة فظيعة ما بين اني

عندي حلم وما بين اللي بأواجهه دلوقتي

هتقوليلي طبعا دي مصاعب لازم تواجهيها

عشان توصلي لحلمك

عارفة والله

بس كمان حاسة اوووووووي

بالانهيار ........................

بس كمان واثقة ف ربنا انه هيفكها عليا

يااااااااااااااااااااااااااااااااااااااارب

نويت اعمل حاجة النهارده يمكن باعملها كل فترة

بس النهارده هارجع اعملها تاني

احكي لربنا

وابكي كتييييييييييييييييييييييييييييييييييير

وان شاء الله ربنا هييسرلي اموري

عاوزة بقي دعواتكم معايا

بجد انا مدمرة .......

همس متزعليش ....كان نفسي اكتب كلام يفرحك

بس اعذريني

ووعد مني هارجع زي الاول

بس محتاجة وقت ......

دعواتكم بقي اني ارجع بسرعة

(*اللهم انك عفوا كريما تحب العفو فأعفو عنا*)

اميييييييييين يارب العاااااااااااالمين

ليا عودة لتكملة البوست ......

قلب واحد؟؟؟؟

الاغنية دي نودي صاحبتي كانت قالت لي عليها

اغنية قلب واحد

بس مهتمتش اني اسمعها اووووووووي

وفجأة بأقلب ف القنوات لاقيتها قلت اما اسمعها

لاقيتها بتقول:

قلب واحد مش كفاية ف حبي ليك

ده أنت محتاج ألف قلب يحس بيك

قلب يعشق بس صوتك

قلب يتأمل سكوتك
قلت تاني عشان عينيك

شوف بقي كام قلب لما يجي يوم وألمس ايديك
بجد اغنية رومانسية بطريقة مش ممكن

اد ايه ممكن يكون في حد بيحب حد بالطريقة دي

حتي اللحن فيه رومانسية

بجد الرومانسية دي حاجة جميلة بجد

وعلي فكرة في ناس فاهمين الرومانسية غلط

في ناس فاكرين ان الرومانسية ان الواحد يقعد ال 24 ساعة

يقول كلام حب ويجيب هدايا

بالعكس بقي الرومانسية هي ان الواحد

يقول الحاجة اللي حاسس بيها ف الوقت اللي حاسس فيه

مش عمال علي بطال

بجد بيبقي ليها طعم تاني

انا الحمد لله الرومانسية دي حسيت بيها كتيييييير

مع صحباتي واهلي

انا فاكرة من كام يوم حسيت اني بحب آلاء اووي

وحسيت بجد بالحب ده جدا

مترددتش لحظة في اني اقولها:

آلاء(i luv u)

ياااااااااه شعور حلو اوي لما تحس انك بكلمة ممكن تسعد

حد بيحبك فعلا

ويااااااااااااااه لما الواحد بيدخل السرور علي قلب مسلم

وبردو النهارده روحت لنهي صاحبتي ف سنة تالتة

وحسيت انها كانت وحشاني اوووووووي

مترددتش لحظة في اني اقولها والله يا بنت يا نهي انتي وحشتيني موووووووووووت

بجد فرحت اووووووي لما ضحكت لي

وضحكتها بصراحة كان باين انها فرحت فعلا لما قولتلها كده

كمان انا عرفت بجد مدي قيمة الاحساس ده اوي

لما لاقيت اعز صديقاتي بسكوتة كنت باكلمها ع النت

وبعدين فوجئت بيها بتصل بيا ع الموبايل

ف باقولها في ايه ف قالت لي ردي بس ليا

رديت واول حاجة قالتها لي :

انا بس كان نفسي اسمع صوتك

بجد بجد هي متتصورش اد ايه السعادة اللي انا كنت فيه

هي دي الرومانسية فعلا!!!!!!!!!!!

ياااااه بقي علي بقية الاغنية

بيقول فيها ايه:

جوايا ليك كلام كتير نفسي اقوله

ده انت عندي حلم اااه لو بس اطوله

اااااااه لو الايام تاخدني من مكاني

لحد عندك وألمسك واخدك ف حضني

وانسي كل الدنيا بعدك مش كتير لو

قولت فيك قلب واحد مش كفاية ف حبي

ليك ده انت محتاج ألف قلب يحس بيك

قلب يعشق بس صوتك

قلب يتأمل سكوتك

قلب تاني عشان عينيك

شوف بقي كام قلب لما يجي

يوم وألمس ايديك

بجد اغنية رومانسية جدااااااا

بالنسبة للصورة: صورة القمر اللي علي شكل

قلب ومنعكس صورته ف البحر بجد صورة رومانسية
جدا ف قلت احطها

وبالنسبة لصورة الوردة شكلها رومانسي اوي

ف قلت احطها بردو

كان نفسي اكتب البوست ده اوي

ليه يادنيا؟؟؟ لما نضحك بتبكينا!!!!!

مش عارفة يمكن تستغربوا لما تشوفوا البوست ده

عشان انا لسه كاتبة بوست الظهر وكنت فرحانة فيه

بس بجد انا لاقيت فعلا ان الدنيا اذا بنضحك بتبكينا

مش عارفة ليه!!!!!!!!!!!!

ليه يا دنيا اذا بنضحك بتبكينا؟؟؟؟؟؟

يمكن عشان مش مكتوب لنا نفرح......

طب بردو ليه مش مكتوب لنا نفرح......

عشان....... مش عارفة

سبحان مغير الاحوال بجد

انا لغاية المغرب كنت كويسة اوي الحمد لله

بس بعد كده معرفش لاقيت حاجات كده عمالة تمر قصاد عيني

اولا درس الكيميا بتاع الثانوية العامة واد ايه

كنت بحب المادة دي وكنت باذاكر بجد وجبت فيها الدرجة النهاائية

وف الاخر محققتش اللي نفسي فيه ف دخولي صيدلة

وجه ف دماغي علم النفس واد ايه بردو كنت بحب المادة دي

وذاكرتها باتقان وبردو الحمد لله جبت فيها الدرجة النهائية وبردو محققنش

اللي ف نفسي فيه اني ادخل مجال ادرس فيه علم النفس

بس كان حلم انا اتعلقت بيه اووووووي

وتعبت عشانه سنة بحالها وبردو محققتوش

هو حلم دخولي كلية الالسن يااااااااااه

حلم استحملت عشانه حاجانه عمري ما كنت اتخيل

اني اتحملها فعلا وبجد عملت كل اللي اقدر عليه عشان اوصله

وكانت السنة الاولي اللي يرتفع فيها نتيجة تنسق الالسن من 92.1 غالبا

الي 93.6 وفرقت معايا علي 4 من عشرة ياااااااااااه

كان مجموعي 93.2 ياااااااااااااااااااه ع الصدمة

اد ايه كنت مصدومة اد ايه كانت الحياة مش فارقة خلاص وبقت كل حاجة زي بعضها

وبعدها كان عندي اختيار واحد وهو تجارة انجلش

ف الاول كنت رافضة تماما

بس بعد كده اقتنعت وخصوصا اني عرفت ان تجارة انجلش بقي برستيج

وكلية حلوة وكده يعني...... يعني م الاخر فرحت بيها

ودخلت اول سنة علي هذا الاساس

بس لاقيت بعد ما السنة ابتديت تمر لاقيت ان مش ده مجالي

ومش دي حياتي ...... فين حياتي اللي كنت عاوزة اعيشها؟؟

فين حلمي اللي كنت عاوزة اوصله ؟؟؟

خلاص راح ....ضاع .... اتكسر.... ولا اختفي!!!!

يااااااااااااه احساس بشع اوي

انك محققتش حاجة م اللي بتحلم بيها

انا لغاية دلوقتي بجد بأندم الف مرة علي دخولي الكلية دي

مش بحب اندم علي حاجة عملتها

بس بجد مش قادرة مندمش

انا عارفة انه نصيب وقدر وانا مؤمنة بالله

بس ف نفس الوقت مش قادرة اتحمل .....

اكيد مقدرش اتحمل حياة وسط كتب انا مش حابها

حياة وسط كلام وسطور انا تايهة بينهم

حياة وسط حاجات كتيييييييييير

مش لاقية نفسي خالص ف الحياة دي

صعب اوي انك تدور علي نفسك ومتلاقيهاش

يااااااااااه احساس يارب ما يتكتب علي حد

بس السؤال بقي لأمتي هافضل كده

لأمتي هافضل ادور علي نفسي ومألاقيهاش

هأدعي ربنا يمكن الاقيها ف يوم وسط كتب من كتب كليتي

ولا وسط رقم من الارقام اللي ف كتاب المحاسبة او الاحصاء

او حتي وسط خطة من الخطط اللي ف كتاب الادارة

ويمكن الاقيها وصلت للobjectives زي اللي بناخدها ف كتاب الانجلش

ياااااااااااااااااااه ....... يارب فكها عليا

مش عارفة وانا باكتب البوست ده

جت ف بالي الاغنية اللي بتقول

سألت نفسي كتير ما رسيتش يوم علي بر ؟؟؟؟؟؟؟؟

لايقة ع البوست فعلا

ربنا يكرمني

ولي عودة ان شاء الله عشان اكمل البوست........

انا عدت حتي اكمل البوست وده ف تمام الساعة 12 مساءا

يوم21 فبراير ( الخميس)

كنت ناوية اكمل البوست بنفس الطريقة

بس عاوزة اقول حاجة

كان النهارده مسلسل عباس الابيض شغال ف التليفزيون

طبعا هتقولولي وايه المشكلة؟

هاقولكم حاجة بسيطة ان ف المسلسل رانيا فريد شوقي

كانت بتكلم يحيي الفخراني علي انها رفضت عروض كتير ف

شغلها عشان هي ممثلة ووجدت ان الادوار كلها تافهة

بس اللي لفت انتباهي جملة قالها لها يحيي الفخراني

وهي متعمليش اي حاجة انتي مش مقتنعة بيها

بجد الجملة علقت معايا اووووووووي
وقت ما سمعت الكلمة دي قولت يارتني
كنت سمعتها قبل سنة ونص
يعني قبل ما ادخل الجامعة
يااااااااااااه اد ايه كانت هتفرق معايا


انا بجد باعمل حاجات كتيييير مش مقتنعة بيها
باحضر سكاشن انا مش مقتنعة بيها
باذاكر مواد مش مقتنعة بيها
بأحل حاجات انا مش مقتنعة بيها

وازاي اقتنع وانا اصلا مش مقتنعة بالكلية
بجد باحاول اقنع نفسي اني بحب الكلية
والمناهج كويسة والدكاترة كويسين
بس بجد مش قادرة
خلااااااااااااااااااااااااااااص


نفسي بجد نفسي اعمل شئ انا مقتنعة به وبحبه
يمكن الحاجة الوحيدة اللي انا بأعملها ومقتنعة بيها
هي الكتابة والتعمق ف علم النفس

بجد الحمد لله علي كل حال
بس عندي رجاء باطلبه من ربنا
انه يعوضني ف مستقبلي خير
ويلهمني بأني اعمل حاجات انا مقتنعة بيها

محتاجة لك اوي يارب

الدنيا برد......ايام الشتا

النهارده الجو كان سقعة جدااااا

بجد كان ساقع لدرجة مكناش قادرين نستحملها

بس سبحان الله علي الرغم من كده انا كنت حاسة بدفا

بس مش دفا الشتا ....... لا ده دفا من نوع تاني

بجد كنت حاسة اني مدفية بأهلي ... بحبهم وحنانهم

واحتوائهم

كنت حاسةاني مدفية بأصحابي ..... بوجودهم معايا

بجد كان يوم حلو ع الرغم من انه كان قصير اووووي

بعد ما خلصت محاضرة الانجلش .....نزلت انا ودودو(دعاء)

ونوجا(انجي سليمان) وجيجي(انجي حاتم) وروحنا الكافيتيريا

جبنا سندوتشات اكلنا وبعدين كنا ناويين اصلا نشرب حمص

بجد كان يوم حلو اكلنا وشربنا وضحكنا

بجد بجد الف حمد والف شكر ليك يارب

انا بحبك اووووووي يارب

يارب ديمها عليا نعمة

اااااامين يارب العالمين

كرسيين وكوباية شاي

طبعا هتستغربوا انا ليه سميت المدونة بالاسم ده

بس من غير ما تستغربوا هاقولكم:

كرسيين دليل علي ان في اتنين قاعدين مثلا وهيتكلموا

بس هما مش اتنين لان اللي موجود كوباية شاي واحدة

عبرت بالاسم ده لاني حاسة اني عاوزة افضفض

يعني اغلبنا لما بيحب يفضفض يحب يكون لوحده

عشان لما يفضفض ..... يفضفض علي راحته من غير

ما حد يقاطعه ويقوله اي حاجة

ودي كانت سبب تسميتي للمدونة بالاسم ده

حسيت بجد انه عبر عن اللي كنت عاوزاه فعلا

كنت بافكر اسميها فضفضة بس بجد الاسم ده حاسة

انه عبر صح عن اللي جوايا

يمكن الصورة مش معبرة اوي بس اقرب صورة لاقيتها عندي

علي الجهاز

وهي دي كانت اول حكاية مع كرسيين وكوباية شاي........