.رغم السنين والغربة والمشــاوير
رغم اللي شوفته وإللي شوفته كتير
رغم الجراح واليأس والأشبـاح
وقت الصباح بنقول صباح الخيـر
ورغم إن الكــل داق الــذل
الناس ترد تقول صباح الفـــل
والشمس تشرق عـ الجميع وتطل
والشمس ليها عـ القلوب تأثيـر
تنــده عـلينا وصـوتها مازيكة
تمســح سـواد الليل بأستيكـة
والناس تصــدق أي تلكيكــة
تملى قلوبها بالفـــرح وتطيــر
والفرحة ليها فـ الحيـاة معــنى
والمعنى حُــب وصدق يجمعنــا
ولو إجتمعنا ننسى أطمعنــــا
وساعتها نقدر نمعــن التفــكير
الجرح نازف بس ما بيوجعـــش
والشمس تنده وإحنا ما بنسمعـش
وإللي يفوته العمر ما بيرجعــش
وإللي يفوته الحلم فاته كتيــــر
والصبر حلو وبشر الصابـــرين
ولو إختلفنا بردو متفقيــــن
إن الألم والفرح مــــش دايمين
ومهما ضاقت لينا رب كبيــــر
لـِ أسامه عبد الصبور
هناك تعليقان (2):
مساء الغاردينيا أمنيه
أختيار رائع وكلمات أروع
ليبقى لدينا أمل بـ الفرح"
؛؛
؛
لروحك عبق الغاردينيا
reemaas
صباح السكر يا ريماس علي عيونك
اكتر حاجة عايشين بيها هبي الأمل :)
يسعدني رؤية كلماتك دائما
يشرفني مرورك :)
إرسال تعليق