يـــــــــــــــــــــــــــــ♥ـــــــــــــــــــــــــــارب

اليوم النهارده كان باين من اوله ....كان في حاجة غريبة 

نزلنا بدري عشان نظبط حاجات ...ومفيش حاجة اتظبطت

دخلنا الكورس....وجه وقت الرول بلاي....الجروب اللي

كنت فيه كويس...فيما عدا تلاتة....2 منهم انا مش قادرة 

اتعامل معاهم...مش قادرة بكل المقاييس...واحدة فيهم 

كل ما نتكلم ونقول فكرة تتريق ...او تفضل تضحك 

انا مكنتش عارفة بصراحة في ايه ...وواحد تاني 

نقوله الدور بتاعه ونتناقش فيه ...نلاقيه باصص 

للشباك...كاننا بنقول الدور ده للبنج ....تغاضيت 

عن كل ده وعملت نفسي مش واخدة بالي وقولت 

يا بنت استحملي معلش .....انما معلش يعني 

الاستعباط يوصل للاستهتار اللي حصل 

واللي هو كل واحد يظبط دوره مع نفسه 

نعم يعني !!!!!!!!!!!!!!!!!!

فجأة آلاء اتعصبت ...خدت بعضها وخرجت برة 

الانستراكتور راحت وراها ...حاولت تهديها 

جمعت الجروب كله وحاولت تتكلم معانا 

كان باين عليا جدااااااااا ان التلاتة اشخاص 

اللي قولت عليهم ف الاول ...كان باين اني 

عاوزة اقتلهم.....المهم جه وقت البريك 

بعد البريك الاقي واحدة فيهم بتديني ورقة 

مكتوب فيها دوري...وكاتبالي الاسكربت كمان 

نعم !!!!!!!!!!!!!!!!!!!!!!!!!

كاتبة لمين الاسكربت...ليا؟؟؟؟

بناءا علي ايه اصلا.....هو مش في حوار ونقاش

ولا هو الي بيجيي علي دماغها تكتبه واحنا ننفذ

بصيت للورقة كده ...وعملت نفسي مش شايفة الشخصية 

لاني فعلا كنت علي وشك افقد اعصابي

الانستراكتور لاحظت اووووووي اني في حالة عصبية 

قالتلي .... 

omnya r u okay 

!!!!!!

قولتلها : 

don't worry about me ,,i know how to deal wiz these situations 

قالتلي : good

بعدين الكورس خلص ....المفروض بنستني بعض عشان نروح سوا 

وانا اصحابي ف جروب تاني : فجاة دوخة غريبة ....هبوط شديد جدااااا

وحاسة اني هقع من طولي ....وجاللي احساس ال vomiting للاسف 

كنت عاوزة استني الباقي...بس اصحابي اصروا امشي...لان وشي كان مصفر 

جدااااااااااااااااا...وفعلا كان شكلي تعبان...انا فعلا كنت دايخة دوخة غير طبيعية 

رجعت البيت ....ماما بمجرد ما بصت ف وشي لقيتها بتقولي في ايه 

قولتلها مفيش ....قالتلي لاء في ....شكلك مش طبيعي ...قولتلها تقريبا بس

عندي هبوط......وقد كان ...فعلا ضغطي لقيته واطي جدااااااااااااااااااااااااا

الحمدلله بجد ...هصلي شكر اني مش وقعت من طول :( 

بعدها اتغديت ....وكنت واقفة جمب السرير ...انا اترميت ع السرير 

وبعدها محستش باي حاجة...بس مكنتش نايمة ....وده اللي انا واثقة منه 

انا مكنتش نايمة ....نهاااااااااااااااااااااااااااااااااااااائي

بس مكنتش حاسة بالدنيا :( مش عارفة ازاي 

قومت بعدها بشوية .....حاولت اشوف ورايا ايه 

اليوم كان مرهق مرهق مرهق ....وكان غريب 

وسبحان من صبرني بجد النهارده علي حاجات كتير 

*****************************************

سؤال ليكي : النظرة اللي لقيتها ف عينك النهارده ....معناها ايه ؟؟؟

احب اقولك اطمني.......انتي خايفة من حاجة عمرها ما هتحصل 

وانا ماليش دعوة باهتمام اي حد...المهم انا عارفة انا بعمل ايه 

وعايزة ايه ........صدقيني انا اكبر واحدة فيكم....حاولي تفهمي ده 

يعني استحالة يحصل اللي ف دماغك......كبري مخك من نحيتي بقي :( 

******************************************

بالنسبة للي سمعته منك النهارده...ازاي انتي تعملي كده ؟؟؟

انا مصدومة....ومزهولة....ومش قادرة احدد حاجة؟؟؟

بس ياتري ده كان اسمه ضعف ولا استسلام...ولا كله تحت شعار الحب!!!!

ازااااااااااااااااااااااااااااااااااااااي!!!!!!!!

عايزة افهم....ليه ....حاولت ابسطهالك واقولك ان لسه عندك فرصة تانية تصلحي فيها اللي حصل :) 

بس للاسف ....اول مرة لما بتحصل....مش هقول ان بعد كده كل حاجة بتبقي عادي

لان شكلك ندمانة بجد ......بس بيبقي في حاجة  اتكسرت....تفتكري لما تحصل بجد 

هتحسي بسحرها ورونقها....بدعي ربنا يريحلك قلبك ....ويخليني انسي 

مفيش حاجة هتتاثر ف علاقتنا .....بس عارفة انا اتصدمت بجد 

ربنا ييسرلك ويهديلك بالك ....ويعملك كل اللي فيه الخير ليكي 

********************************************

يــــــــــــــــــــــــــــــــــــــــــــــــــــــــــــــــــــــــــــــــــــارب 

في ناس ف حياتي ناو بدعي من كل قلبي توفقهم 

يارب يارب...متخذلنيش وريحلهم بالهم وقلبهم 

آآآآآآآآآآآآآآآآآآآآآآآآآآآآآآآآآآمين 

********************************************